नाशिक: सध्या हृदयविकाराचा आजार वाढत चालला आहे. अगदी सहा वर्षांच्या चिमुकल्यांपासून साठ वर्षाच्या वृद्धांनाही हृदयविकाराचा धोका जाणवत आहे. चालता बोलता, जेवणाच्या ताटावर, जीममध्ये अन् शाळेच्या वर्गातही हृदयविकाराने जीव गेल्याच्या घटना समोर येत आहेत. अशीच धक्कादायक घटना नाशिकमध्ये घडली आहे.
याबाबत सविस्तर माहिती अशी की, सहावीत शिकणाऱ्या मुलीचा हृदयविकाराच्या धक्क्याने मृत्यू झाल्याची धक्कादायक घटना नाशिकमध्ये घडली आहे. श्रेया किरण कापडी असे मृत विद्यार्थिनीचे नाव आहे. नाशिक शहरातील एका इंग्रजी माध्यमाच्या शाळेत घडलेल्या या घटनेने संपूर्ण शहरात खळबळ उडाली आहे. चिमुकलीच्या कुटुंबावरही दुःखाचा डोंगर कोसळला आहे.
श्रेया किरण कापडी ही या शाळेमध्ये इयत्ता सहावीच्या वर्गात शिकत होती. आज श्रेया नेहमीप्रमाणे शाळेत येत होती. शाळेच्या गेटवर प्रवेश करत असतानाच तिला चक्कर आली अन् ती खाली कोसळली. ही बाब लक्षात येताच शिक्षकांनी श्रेयाकडे धाव घेतली. त्यांनी तात्काळ तिला खासगी रुग्णालयात दाखल केले. मात्र रुग्णालयात दाखल करताच डॉक्टरांनी तपासून तिला मृत घोषित केले.
सहावीत शिकणाऱ्या मुलीचा असा दुर्दैवी मृत्यू झाल्याने कुटुंबावर शोककळा पसरली आहे. तिचा मृतदेह शवविच्छेदनासाठी पाठवण्यात आला असून पोस्टमार्टमधून मृत्यूचे नेमके कारण समोर येणार आहे. या घटनेने शाळेतील शिक्षक, विद्यार्थ्यांसह परिसरातूनही हळहळ व्यक्त होत आहे.
शिरूर (तेजस फडके) : शिरूर तालुक्यात सामाईक विहिरीवरील पाण्याची मोटार बंद केल्याचा जाब विचारणे आणि…
शिरूर (तेजस फडके) : शिरुर तालुक्यातील करडे येथे अज्ञात चोरट्यांनी विद्युत रोहित्र फोडुन त्यातील तब्बल…
शिक्रापूर (अक्षय टेमगिरे): घराचे कुलूप तोडून सोन्याचे दागिने आणि रोख रकमेसह तब्बल ४ लाख २५…
शिरूर (तेजस फडके) : आगामी दिपावळी सणाच्या पार्श्वभूमीवर शिरुर शहरातील नागरिक, व्यापारी आणि सराफ व्यावसायिकांच्या…
मोदी-शाह यांनी काँग्रेस नेत्यांबद्दल वापरलेल्या भाषेची आठवण करून देत सपकाळांचा भाजपावर निशाणा मुंबई: काँग्रेसचे राष्ट्रीय अध्यक्ष…
दुष्काळग्रस्त शेतकऱ्यांच्या पाठीशी सरकार; हरसूलमध्ये १० हजार कुटुंबांना दिवाळी शिधावाटप नाशिक: राज्यातील दुष्काळग्रस्त शेतकऱ्यांकडून सक्तीने…