शिरुर तालुक्यात किरकोळ वादातुन सासऱ्याची सुनेला काठीने मारहाण; गुन्हा दाखल

शिंदोडी (तेजस फडके): शिरुर तालुक्यातील एका गावात सुन घराच्या ओट्यावर जेवण करत असताना दारु पिऊन आलेल्या सासऱ्याने सुनेला जेवायला मागितले असता. सुनेने माझे जेवण झाल्यावर तुम्हाला जेवायला वाढते असे म्हटल्याने सासऱ्याला राग आल्याने सासऱ्याने सुनेच्या डोक्यात काठी मारत डोके फोडल्याने सुनेने शिरुर पोलिस स्टेशन येथे फिर्याद दाखल केली असल्याने सासऱ्यावर गुन्हा दाखल झाला आहे.

शिरुर पोलिसांनी दिलेल्या माहितीनुसार गुनाट (ता. शिरुर) येथील मंगल बाळु बुलाखे (वय ४५) या घरच्या ओट्यावर जेवण करत असताना त्यांचे सासरे नामदेव यशवंत बुलाखे हे तेथे दारु पिवुन आले आणि सुनेला ‘मला जेवायला वाढ’ असे म्हणाले त्यावेळी मंगल बुलाखे या त्यांना म्हणाल्या की ‘थांबा मी जेवण करत आहे माझे जेवायचे झाले की मी तुम्हाला जेवायला वाढते’.

याच कारणावरुन नामदेव बुलाखे यांनी चिडुन जावुन त्यांच्या सुनेला जोरजोरात शिवीगाळ करत तेथे ओट्यावर पडलेली काठी घेवुन ती सुनेच्या डोक्यात मारल्याने त्यांना दुखापत झाली आहे. त्यामुळे मंगल बुलाखे यांनी सासरे नामदेव बुलाखे यांच्याविरुध्द शिरुर पोलिस स्टेशन येथे कायदेशीर तक्रार दाखल केली असुन या घटनेचा पुढील तपास पोलिस हवालदार प्रताप टेंगले हे करत आहेत.