उपसरपंचाच्या पत्नीची गळफास घेत आत्महत्या…

कोल्हापूर: आकुर्डे (ता. पन्हाळा) येथील उपसरपंच अनिल पाटील यांच्या पत्नीने‌ राहत्या घरी गळफास घेत आत्महत्या केली आहे. सुरेखा ऊर्फ स्वाती अनिल पाटील (वय 40) असे त्यांचे नाव आहे. आत्महत्येचे नेमके कारण समजू शकले नाही. सुरेखा यांच्या मागे पती, मुलगा, मुलगी असा परिवार आहे.

आत्महत्या केलेल्या सुरेखा पाटील यांचे पती अनिल पाटील गावचे उपसरपंच आहेत. तसेच पन्हाळा तालुक्यातील काटेभोगावमध्ये हायस्कूलमध्ये माध्यमिक शिक्षक आहेत. पती अनिल हॉलमध्ये तर पत्नी सुरेखा या बेडरुममध्ये शनिवारी (ता.12) विश्रांती घेत होत्या. दुपारी एकच्या सुमारास अनिल पाटील यांनी पत्नी सुरेखा यांना हाक मारली पण प्रतिसाद मिळाला नाही. त्यामुळे बराच वेळ झाल्यानंतर शेजारच्या लोकांना बोलावून दरवाजा तोडला. त्यावेळी सुरेखा यांनी छताच्या हुकाला साडीने गळफास घेतला होता. याबाबत पोलिसांनी गुन्हा दाखल केला असून, पुढील तपास करत आहेत.

दरम्यान, रेंदाळ (ता. हातकणंगले) येथील तरुणाने राहत्या घरी सुती कापडाच्या दोरीने गळफास घेऊन आत्महत्या केल्याची घटना घडली आहे. ओम पंढरीनाथ महाजन (वय 18) असे त्याचे नाव आहे. याप्रकरणी हुपरी पोलिस ठाण्यात नोंद झाली आहे. ओम हा बारावी उत्तीर्ण होता. त्याच्या मागे आई, वडिल असा परिवार आहे. त्याच्या आत्महत्येचे कारण समजू शकलेले नाही.

दुसऱ्या एका घटनेत दोन लहान मुलांच्या भांडणात पालक भिडल्याने एका पालकाचा मृत्यू झाल्याची धक्कादायक घटना कोल्हापूर जिल्ह्यातील इचलकरंजीमध्ये घडली. सद्दाम सत्तार शेख (वय 27 , रा. स्वामी मळा, इचलकरंजी) असे त्यांचे नाव आहे. हा भयानक प्रकार कोले मळा येथील एका शाळेत घडला. याप्रकरणी शिवाजीनगर पोलिस ठाण्यात गुन्हा दाखल झाला आहे. सद्दामच्या मृत्यू प्रकरणी शब्बीर अब्दुल गवंडी (रा. हनुमाननगर) याच्यासह दोन महिलांना शिवाजीनगर पोलिसांनी ताब्यात घेतले आहे.

राजीनामा दे म्हणत उपसरपंच महिलेसह कुटुंबाला मारहाण, मुलाचा मृत्यू…

शिरूर तालुक्यात उपसरपंचाने केली व्यावसायिकास मारहाण…

पाकिटमारी करणाऱ्या सरपंचाला पोलिसांनी ठोकल्या बेड्या…

शिरुर तालुक्यातील उपसरपंचाने भष्ट्राचाराबाबत तक्रारी केल्याने महीला सरपंचांकडून मारहाण

शिक्रापूरच्या उपसरपंचावर फसवणूक प्रकरणी गुन्हा दाखल