mohini-sukre-kendur
लोणीकंद: चुलत सासरे आणि त्यांचा नातू याने मालमत्तेच्या वाटणीवरून केलेल्या छळाला कंटाळून शिरसवडी येथे विवाहितेने वटपौर्णिमेच्या दिवशीच मंगळवारी (ता. 10) गळफास घेऊन आत्महत्या केल्याची धक्कादायक घटना घडली आहे.
मोहिनी सुक्रे (वय 28, मूळ रा. सुक्रेवाडी केंदूर, ता. शिरूर, सध्या रा. अंधेरी पश्चिम, मुंबई) असे आत्महत्या केलेल्या विवाहितेचे नाव आहे. मोहिनी यांनी लिहून ठेवलेल्या चिठ्ठीनुसार चुलत सासरे दगडू नानाभाऊ सुक्रे व त्यांचा नातू भानुदास ऊर्फ विवेक सुक्रे यांच्यावर आत्महत्येस प्रवृत्त केल्याचा गुन्हा दाखल करण्यात आला आहे. याप्रकरणी मृत मोहिनी यांचे पती योगेश सुक्रे यांनी लोणीकंद पोलिस ठाण्यात शनिवारी (ता. 14) तक्रार दाखल केली.
पोलिसांनी दिलेल्या माहितीनुसार, मोहिनी यांनी त्यांच्या माहेरी मुरकुटेनगर शिरसवडी (ता. हवेली) येथे वटपौर्णिमेच्या दिवशी मंगळवारी दुपारी 4 वाजण्याच्या सुमारास गळफास घेऊन आत्महत्या केली. आत्महत्येपूर्वी त्यांनी चुलत सासरे दगडू सुक्रे व त्यांचा नातू भानुदास ऊर्फ विवेक सुक्रे या दोघांनी मालमत्तेच्या वाटणीवरून वेळोवेळी दिलेल्या धमकीमुळे, त्रासामुळे कंटाळून आत्महत्या करीत असल्याचे चिठ्ठीत लिहिले आहे. या दोघांना कोणतीही माफी न देता त्यांना कठोर शिक्षा देण्यात यावी, अशी विनंती केली आहे. आपला मुलगा यश याची पती योगेश सुक्रे यांनी काळजी घ्यावी, असे कळकळीने या चिठ्ठीत मोहिनी यांनी नमूद केले आहे.
दरम्यान, माझ्या पत्नीच्या आत्महत्येला कारणीभूत असलेल्या आरोपींना पोलिसांनी त्वरित अटक करून न्यायालयाने त्यांना कायदेशीर कठोर शिक्षा करावी, अशी मागणी पती योगेश सुक्रे यांनी केली आहे. आरोपी फरार झाले असून, पोलिस त्यांचा शोध घेत आहेत.
शिरूर! डॉक्टर पत्नीला मारहाण करणाऱ्या सासरच्या मंडळींविरूद्ध गुन्हा दाखल…
शिरूर पोलिसांची उल्लेखनीय कामगिरी; १३ अल्पवयीन मुलींचा शोध घेऊन पालकांच्या ताब्यात सुपूर्द
शिरूर तालुक्यात महाविद्यालयीन प्रेमीयुगलाची गळफास घेऊन आत्महत्या…
रांजणगाव तिहेरी हत्याकांड; लव्ह, सेक्स आणि धोका…?
शिरुर तालुक्यातुन २१ वर्षीय युवती बेपत्ता; कुटुंबीयांची पोलीसांकडे धाव
शिक्रापूर (अक्षय टेमगिरे): घराचे कुलूप तोडून सोन्याचे दागिने आणि रोख रकमेसह तब्बल ४ लाख २५…
शिरूर (तेजस फडके) : आगामी दिपावळी सणाच्या पार्श्वभूमीवर शिरुर शहरातील नागरिक, व्यापारी आणि सराफ व्यावसायिकांच्या…
मोदी-शाह यांनी काँग्रेस नेत्यांबद्दल वापरलेल्या भाषेची आठवण करून देत सपकाळांचा भाजपावर निशाणा मुंबई: काँग्रेसचे राष्ट्रीय अध्यक्ष…
दुष्काळग्रस्त शेतकऱ्यांच्या पाठीशी सरकार; हरसूलमध्ये १० हजार कुटुंबांना दिवाळी शिधावाटप नाशिक: राज्यातील दुष्काळग्रस्त शेतकऱ्यांकडून सक्तीने…
उपमुख्यमंत्री एकनाथ शिंदे यांचा प्रशासनाला इशारा; नाशिक कुंभमेळ्याच्या तयारीचाही घेतला आढावा नाशिक : राज्यातील दुष्काळी…
गंगापूर रस्त्याचे भूमिपूजन; अभियांत्रिकी महाविद्यालयाच्या नवीन वसतिगृहाचे उद्घाटन नाशिक: पायाभूत सुविधा आणि शिक्षण क्षेत्रातील विकासकामांच्या माध्यमातून…