शिरूर : माहेराहून पैसे घेऊन ये, यासाठी डॉक्टर असलेल्या पत्नीकडे तगादा लावत तीला मारहाण करणाऱ्या पतीसह शारीरीक, मानसिक छळ करणाऱ्या सासरच्या मंडळींविरूद्ध शिरूर पोलिसांनी गुन्हा दाखल केला आहे.
डॉ. पूजा महेश शेळके (वय २८, रा. बाबूराव नगर, शिरूर) यांनी दिलेल्या फिर्यादीवरून शिरूर पोलिसांनी त्यांचे पती महेश सुरेश शेळके, सासू द्वारका सुरेश शेळके, सासरे सुरेश चंदरराव शेळके (सर्व रा. श्रीराम नगर सोसायटी, खराडी बायपास, पुणे) यांच्यासह सोनाली विवेक नेवाळे (रा. पिंपरी, पुणे) व चैताली प्रफुल्ल रनवरे (रा. वाघोली, पुणे) यांच्याविरूद्ध गुन्हा दाखल केला आहे.
पोलिसांनी दिलेल्या माहितीनूसार, डॉ. पूजा शेळके या येरवडा येथील एका हॉस्पिटल मध्ये कार्यरत असून, काही वर्षांपूर्वी त्यांचे लग्न झाले आहे. लग्नानंतर काही दिवस आनंदात गेले. मात्र, गेल्या वर्षभरात (जानेवारी २०२४ पासून) त्यांचे पती महेश व कुटूंबांतील इतरांनी तुझ्या बापाकडून पैसे घेऊन ये, असे म्हणत मारहाण केली. शिवीगाळ, दमदाटी करीत सतत अपमानीत केले. तसेच डॉ. पूजा यांचे वडील, आई व भावालाही वारंवार फोन करून शिवीगाळ केली.
डॉ. पूजा शेळके यांनी दिलेल्या फिर्यादीनूसार शिरूर पोलिसांनी त्यांच्या पतीसह सासरच्या मंडळींविरूद्ध गुन्हा दाखल केला आहे. पुढील तपास पोलिस हवालदार दीपक राऊत करीत आहेत.
रांजणगाव येथील तिहेरी खून प्रकरणाचा अवघ्या १२ दिवसांत उलगडा पुणे ग्रामीण पोलिसांची कामगिरी
शिरुर तालुक्यात शेतीच्या वादातुन तिघांना मारहाण; सात जणांविरोधात गुन्हा दाखल
शिक्रापुर-वाघाळे-मलठण रस्त्याची दुर्दशा; संबंधित प्रशासनाचे दुर्लक्ष, ग्रामस्थांतून तीव्र संताप
शिरुर तालुक्यात निवडणुकीत पराभव झाल्याच्या रागातुन तलवारीने हल्ला; गुन्हा दाखल
