श्रीगोंदा: श्रीगोंदा तालुक्यातील पारगाव येथील मोहिते मळ्यात शनिवारी (दि 20) रोजी मध्यरात्रीच्या सुमारास ३ ते ४ चोरट्यांनी किचनच्या दरवाज्याची कडी कोंयडा तोडून घरफोडी करत सोन्याचे दागिने आणि रोख रकमेसहीत सुमारे ३ लाख ४ हजार २८० रुपयांचा मुद्देमाल चोरुन नेला. तसेच चोरांची चाहुल लागल्याने आरडाओरडा करणाऱ्या महिलेस तिच्या पतीसह मारहाण करत गंभीर जखमी केल्याची खळबळजनक घटना घडली असुन याबाबत सुभाष नारायण मोहिते यांनी श्रीगोंदा पोलिस ठाण्यात फिर्याद केली आहे.
श्रीगोंदा पोलिसांनी दिलेल्या माहितीनुसार, पारगाव येथील मोहितेमळा परिसरात राहणाऱ्या सुभाष मोहिते यांच्या घरात शनिवारी (दि.२०) रोजी मध्यरात्रीच्या सुमारास तीन ते चार चोरटे किचनच्या दरवाज्याचा कडी कोंडा तोडत घरात घुसल्याचे मोहिते यांच्या पत्नीला समजले त्यावेळी त्यांनी मोहिते यांना आवाज देत जागे केले असता चोरट्या पैकी एकाने मोहिते यांच्या पत्नी सुवर्णा यांच्या दंडावर जोरदार फटका मारल्याने त्या जोरात ओरडल्याने मोहिते यांनी उठण्याचा प्रयत्न करत असताना चोरट्यापैकी दुसऱ्याने हातातील लोखंडी गजाने मोहिते यांच्या डोक्यात तसेच पाठीवर, हातावर मारहाण करत त्यांना गंभीर जखमी करत घरातच झोपलेल्या मुलाच्या खोलीला बाहेरुन कडी लावली.
त्यानंतर चोरट्यांनी देवघरातील कपाटात असलेले रोख २ हजार ४५० रुपये, ७६ हजार १९५ रुपयांचे सोन्याचे शॉर्ट गंठन, २६ हजार ६०० सोन्याची ठुसी, १ लाख ११ हजार ९० रुपयांचे सोन्याचे गंठन, २८ हजार ५६० रुपयांचे सोन्याचे फॅन्सी पेंडंट, ९ हजार ३१० रुपयांची सोन्याची अंगठी, ३० हजार ५५५ रुपयांचे सोन्याचे फॅन्सी झुबे, १० हजार २२० रुपयांचे सोन्याचे मंगळसूत्र, २ हजार ८०० रुपयांचे सोन्याचे मणी आणि ६ हजार ५०० रुपयांचे चांदीचे दागिने असा एकूण ३ लाख ४ हजार २८० रुपयांचा मुद्देमाल चोरुन नेला. या घटनेत सुभाष नारायण मोहिते आणि सुवर्णा सुभाष मोहिते हे दोघेही गंभीर जखमी झाले असून दवाखान्यात उपचार घेत आहेत. या प्रकरणी श्रीगोंदा पोलिस ठाण्यात सुभाष नारायण मोहिते यांच्या फिर्यादीवरुन अज्ञात चोरट्यांविरुद्ध गुन्हा दाखल करण्यात आला आहे.
या घटनेची माहिती समजताच पोलिस निरीक्षक रामराव ढिकले, सहाय्यक पोलिस निरीक्षक समीर अभंग यांनी पोलिस कर्मचाऱ्यांसह घटनस्थळी भेट देऊन पाहणी करत श्वान पथकास पाचारण केले. या घटनेचा पुढील तपास पोलीस निरीक्षक रामराव ढिकले हे करत आहेत.
मुंबई : महाराष्ट्रातील अभियांत्रिकी आणि पॉलिटेक्निक विद्यार्थ्यांची कौशल्य क्षमता, रोजगारक्षमता आणि उद्योगसज्जता वाढविण्यासाठी उद्योगाभिमुख प्रशिक्षण,…
मुंबई: डॉ. बाबासाहेब आंबेडकर तंत्रशास्त्र विद्यापीठ, लोणेरे (DBATU) अंतर्गत विद्यार्थ्यांच्या तक्रारी आणि शैक्षणिक समस्यांचे जलद,…
मुंबई: विद्यार्थ्यांच्या नवकल्पना, संशोधन आणि उद्योजकतेला व्यापक संधी उपलब्ध करून देत महाराष्ट्राची स्टार्टअप परिसंस्था अधिक सक्षम…
मुंबई : लाडक्या बाप्पाच्या आगमनाला अवघे काही दिवस शिल्लक राहिल्याने मुंबईत गणेशोत्सवाची लगबग अंतिम टप्प्यात…
लंडन: ब्रिटनच्या संसद भवनातील वरिष्ठ सभागृह असलेल्या हाऊस ऑफ लॉर्ड्समध्ये गुरुवारी ‘जय महाराष्ट्र’चा निनाद घुमला. महाराष्ट्राचे…
शिरुर (तेजस फडके) सध्या सोन्याचा बाजार दिवसेंदिवस वाढत आहे. व्यक्तीला सोन खरेदी करणं सर्वसामान्य व्यक्तीच्या…