तांदळीत व्यक्तीच्या घरातून दीड लाखांचे दागिने चोरी…

शिक्रापूर (शेरखान शेख): तांदळी (ता. शिरुर) येथील बाळासाहेब गोसावी हे रात्रीच्या सुमारास घरी घरात झोपलेले होते. पहाटेच्या सुमारास गोसावी उठले असताना त्यांना कपाट उघडे असल्याचे तसेच घरातील काही साहित्य अस्ताव्यस्थ पडल्याचे दिसून आले.

यावेळी बाळासाहेब गोसावी यांनी घरात कपाटाची पाहणी केली असता कपाटातील सोन्याचे दागिने व मोबाईल असा अंदाजे 1 लाख 59 हजार रुपयांचा ऐवज चोरीला गेल्याचे गोसावी यांच्या निदर्शनास आले.

याबाबत बाळासाहेब रतन गोसावी (वय ५७) रा. कळसकर वाडी तांदळी (ता. शिरुर) जि. पुणे यांनी शिरुर पोलीस स्टेशन येथे फिर्याद दिली असल्याने शिरुर पोलिसांनी अज्ञात व्यक्तीवर गुन्हे दाखल केले असून सदर गुन्ह्याचा पुढील तपास तपास पोलीस निरीक्षक सुरेशकुमार राऊत यांच्या मार्गदर्शनाखाली सहाय्यक पोलीस उपनिरीक्षक राजेंद्र साबळे हे करत आहे.