जातेगाव खुर्द मधील इलेक्ट्रोनिक दुकानात चोरी…

शिक्रापूर: जातेगाव खुर्द (ता. शिरुर) येथे शैलेश मासळकर यांचे संतोष इलेक्ट्रोनिक नावाने इलेक्ट्रोनिक मोटार विक्री व दुरुस्तीचे दुकान आहे. ३० जून रोजी रात्री १ वाजेपर्यंत मासळकर यांनी दुकानात काम केले त्यानंतर दुकान बंद करुन घरी गेले. सकाळच्या सुमारास मासळकर दुकानात आले असता त्यांना त्यांच्या दुकानाचे शटर उचकटलेले दिसून आले. त्यामुळे त्यांनी दुकानात आत जाऊन पाहणी केली असता दुकानातील विद्युत मोटार, तांब्याच्या वायर, ग्रँडर मशीन, कटर मशीन यांसह आदी साहित्य चोरीला गेल्याचे दिसून आले.

याबाबत शैलेश भिवाजी मासळकर (वय ३५) रा. जातेगाव खुर्द (ता. शिरुर) जि. पुणे यांनी शिक्रापूर पोलिस स्टेशन येथे फिर्याद दिली आहे. शिक्रापूर पोलिसांनी अज्ञात व्यक्तीवर गुन्हे दाखल केले असून, सदर गुन्ह्याचा पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलिस नाईक भरत कोळी हे करत आहे.