शिरुर (अरुणकुमार मोटे): शिरूर तालुक्यातील करडे येथील प्रदीप सरोदे यांच्या इंडियन ऑइल पेट्रोल पंपांवर विलास भाउ देशमुख रा. अंबोली ता. खेड यांची पार्क केलेले जेसीबी मशिन 2 अज्ञात चोरट्यांनी चोरून नेले आहे. याबाबत जेसीबी ड्रायव्हर जितेंद्र संजय पठारे यांनी शिरुर पोलिस स्टेशनला जेसीबी चोरीला गेल्याची फिर्याद दाखल केली आहे.
याबाबत सविस्तर हकीकत अशी की, (दि. १६) मार्च रोजी रात्री १०.३० वाजण्याच्या सुमारास विलास भाऊ देशमुख यांच्या नावावर असणारे जेसीबी मशीन नं. एम.एच १४ एच डब्ल्यू ९९७६ हे मशीन सुभाष जगताप यांचे सांगण्यावरून करडे येथे कंपनीत कामाला लावण्यासाठी आणले होते. परंतु सुभाष जगताप यांनी सांगितले की कंपनीत जागा नाही तुम्ही दोन दिवस मशीन प्रदिप सरोदे यांच्या इंडीयन ऑईल पेट्रोल पंप करडे या ठिकाणी लावा, असे सांगितल्याने जेसीबीचे ड्रायव्हर जितेंद्र पठारे यांनी सदरचे जेसीबी मशीन हे प्रदिप सरोदे यांचे इंडीयन ऑईल पेट्रोल पंप करडे या ठिकाणी लावून ते त्यांच्या घरी गेले होते.
पुन्हा (दि. 18) मार्च रोजी जेसीबीचे ड्रायव्हर जितेंद्र पठारे दुपारी ३.३० वाजल्याच्या सुमारास करडे येथे जेसीबी मशीन लावलेल्या पेट्रोल पंपावर आले असता तेथील मुलाने त्यांना सांगीतले कि (दि. 1७)मार्च रोजी सांयकाळी ७.०० वा. सुमारास कोणीतरी अनोळखी व्यक्तींनी तुमचे जेसीबी मशीन घेवुन गेले आहे. म्हणुन त्या अनोळखी अज्ञात चोरट्यांविरुद्ध कायदेशीर फिर्याद दाखल केली असून या घटनेचा पुढील तपास सहाय्यक फौजदार चव्हाण हे करत आहे.
शिरूर पोलिस स्टेशनच्या हद्दीत वाहनचोरीच्या घटनेत दिवसेंदिवस वाढ होत असून शिरूर पोलिसांच्या नाकावर टिच्चून ह्या चोऱ्या होताना दिसून येत आहे. शिरूर पोलिस या चोरांना कधी गजाआड करतात याकडे शिरूरकंराचे लक्ष लागून राहीले आहे.
रांजणगाव गणपती (तेजस फडके) सध्या फास्ट फूड खाण्याच प्रमाण वाढलं असुन पुणे-नगर महामार्गाच्या येथे रस्त्याच्या…
शिक्रापूर : शिक्रापूर-चाकण रस्त्यावर गॅस कंटेनरचा स्फोट होऊन भीषण आग लागल्याची घटना आज (रविवार) पहाटे…
शिक्रापुर (योगेश शेंडगे) वढु बुद्रुक (ता. शिरुर) येथे मानसिक संतुलन हरवलेल्या दोन महिलांवर योग्य औषधोपचार…
पुणे (प्रतिनिधी) सध्या राज्यात अवकाळी पाऊसामुळे अनेक ठिकाणी होर्डींग कोसळण्याच्या घटना घडत आहेत. त्यामुळे सर्वसामान्य…
शिरूर लोकसभा निवडणूकसाठी मतदार पार पडले असून, ठिकठिकाणी चर्चांना उधाण आले आहे. अमोल कोल्हे पाच…
कान्हूर मेसाई (सुनिल जिते) लोकसभा निवडणुकीच्या चौथ्या टप्प्यात शिरूर मतदार संघासाठी सोमवारी मतदान झाले. कान्हूर…