शिरूर (अरुणकुमार मोटे): शिरूर तालुक्यातील कवठे येमाई येथील इचकेवाडीमध्ये चोरट्यांनी बंद घराचे कुलूप तोडून सुमारे २ लाख २१ हजार रुपयांचा ऐवज लंपास केल्याची धक्कादायक घटना समोर आली आहे. ही घटना १५ जुलै ते २१ जुलै या कालावधीत घडली असून, या प्रकरणी खोपोली येथे वास्तव्यास असलेले एकनाथ जालिंदर इचके (वय ५६) यांनी शिरूर पोलिस ठाण्यात तक्रार दाखल केली आहे.
मिळालेल्या माहितीनुसार, इचके हे मूळचे इचकेवाडी (कवठे येमाई) येथील रहिवासी असून सध्या नोकरीनिमित्त खोपोली (ता. खालापूर, जि. रायगड) येथे वास्तव्यास आहेत. त्यांच्या अनुपस्थितीत इचकेवाडीमधील घर बंद होते. चोरट्यांनी याचाच फायदा घेत लोखंडी दरवाजाचे कुलूप तोडले व घरात प्रवेश केला.
घरातील कपाट फोडून १ लाख २६ हजार रुपयांची रोख रक्कम, सुमारे ७० हजार रुपये किमतीच्या दोन सोन्याच्या अंगठ्या, तसेच २५ हजारांचे चांदीचे दागिने आणि भांडी असा एकूण २ लाख २१ हजारांचा ऐवज चोरून नेला.या चोरीची माहिती मिळताच शिरुर पोलिस स्टेशन अकींत टाकळी हाजी औट पोस्टचे पोलिस उपनिरीक्षक दिलीप पवार यांनी घटनास्थळी भेट देत संपूर्ण परिसराची पाहणी केली. सदरचा गुन्हा अज्ञात चोरट्यांविरोधात नोंदवण्यात आला असून, पुढील तपास शिरूर पोलीस करत आहेत.
दरम्यान, गावातील बंद घरे लक्ष करून चोरटे आपली संधी साधत असल्याने नागरिकांनी आपल्या मालमत्तेची काळजी घेण्याचे आणि परगावी राहणाऱ्यांनी शक्यतो शेजाऱ्यांना पूर्वसूचना देण्याचे आवाहन पोलिसांनी केले आहे.
श्रीगोंदा (विशेष प्रतिनिधी) घोड धरणाच्या बॅकवॉटरमध्ये गेल्या पाच वर्षांपासून रात्रंदिवस बेकायदशीर वाळू उपसा सुरु असून,…
शिरुर (तेजस फडके) शिरुर तालुक्यातील सरदवाडी येथील राजहंस लॉजमध्ये महिलेकडून वेश्याव्यवसाय करवून घेतला जात असल्याची…
मुंबई: राज्यातील दुष्काळाच्या पार्श्वभूमीवर शिवसेनेने यंदाचा दसरा मेळावा संकटग्रस्त शेतकऱ्यांना समर्पित केला आहे. गोरेगाव येथील…
धाराशिव जिल्ह्यातील पाणी, चारा टंचाईवर उपाययोजनांच्या प्रभावी अंमलबजावणीचे डॉ. राजेश देशमुख यांचे निर्देश धाराशिव: जिल्ह्यातील…
मुंबई: बॉलीवूड अभिनेता टायगर श्रॉफ याच्या गाडीवर आज संध्याकाळी अज्ञात हल्लेखोरांनी हल्ला केल्याची घटना घडली. या…
टायगर श्रॉफ गोळीबार प्रकरणाची गंभीर दखल; आरोपींच्या शोधासाठी विशेष पथके तैनात नागपूर: मुंबईत पुन्हा दहशतीचे…