क्राईम

वाघोलीत अनैतिक संबंधांच्या संशयातून रिक्षाचालकाची निघृणपणे हत्या…

पुणे : वाघोलीत अनैतिक संबंधांच्या संशयातून एका रिक्षाचालकाची निघृणपणे हत्या करण्यात आल्याची धक्कादायक घटना घडली आहे. आरोपींनी रिक्षाचालकाला आधी कारने जोरदार धडक देऊन खाली पाडले. त्यानंतर लोखंडी पाईपने डोक्यातवर हल्ला करून त्याचा खून करण्यात आला. या हत्याकांडाने संपूर्ण परिसरात प्रचंड खळबळ उडाली. वाघोली पोलिसांनी तत्परता दाखवत अवघ्या काही तासांत ८ जणांना बेड्या ठोकल्या आहेत.

नवनाथ दिगंबर सोन्नर (वय ३५, रा. चौधरी वस्ती, खराडी) असे खून झालेल्या रिक्षाचालकाचे नाव आहे. याप्रकरणी नामदेव बाळासाहेब आळनुरे (वय २९, रा. परभणी), कैलास सुधाकर होरे (वय ३२, रा. खराडी, पुणे), बालाजी सोनाजी घनवटे (वय २२, रा. परभणी), अनिल सोपान घनवटे (वय २९, रा. आव्हाळवाडी, हवेली), नितीन लक्ष्मण उमाप (वय २१, रा. वाघोली), रोहन रामचंद्र वाघमारे (वय २२, रा. येरवडा) अर्जुन ज्ञानेश्वर शेलार (वय २०, रा. भावडी रोड, वाघोली) अशी अटक करण्यात आलेल्या आरोपींची नावे आहेत.

मिळालेल्या माहितीनुसार, मृत नवनाथ सोन्नर याचे आरोपींपैकी एकाच्या नातेसंबंधातील महिलेसोबत अनैतिक संबंध होते. आरोपींनी नवनाथला वारंवार बजावून हे संबंध तोडण्यास सांगितले होते. मात्र, नवनाथने त्याकडे दुर्लक्ष केले. याच रागातून आरोपींनी गुरुवारी (ता. २४ सप्टेंबर) रात्री साडेदहाच्या सुमारास नवनाथला वाघोलीतील बाजारतळ मैदानावर भेटण्यासाठी बोलावले.

नवनाथ मैदानात पोहोचून कारच्या जवळ येताच आरोपींनी क्रूरपणे हत्या केली. आरोपींनी आपल्याकडील स्वीफ्ट कारने नवनाथला जोरदार धडक देऊन जमिनीवर पाडले. खाली पडलेल्या नवनाथला लाथाबुक्क्यांनी अमानुष मारहाण करण्यात आली. त्यानंतर लोखंडी पाईपने थेट डोक्यात वार करून त्याला जागीच ठार केले.

दरम्यान, घटनेची माहिती मिळताच वाघोली पोलिसांनी घटनास्थळी धाव घेतली. पळून जाण्याच्या तयारीत असलेल्या सर्व आरोपींना पोलिसांनी शिताफीने चौफेर वेढा घालून ताब्यात घेतले. या प्रकरणाचा पुढील सखोल तपास पोलिस उपनिरीक्षक शहादेव हवाले करत आहेत.

वाघोलीत लग्नसमारंभादरम्यान नवरीसोबतच झालं मोठं कांड…

वाघोलीत घडली हृदयद्रावक घटना; उच्चशिक्षित महिलेने संपवलं आयुष्य…

वाघोलीत युवतीने इमारतीच्या आठव्या मजल्यावरून मारली उडी…

वाघोलीत रक्तरंजित सकाळ! आईकडून पोटच्या मुलाची गळा चिरून निर्घृण हत्या, मुलीवर प्राणघातक हल्ला

वाघोली येथील शाळेत शिपायाने केला विद्यार्थ्यावर लैंगिक अत्याचार…

शिरूर तालुका टीम

Recent Posts

झी मराठीच्या मालिकांमध्ये रंगणार भावनिक घडामोडींचा आठवडा; गुरुकुलवर वाडेकरांचा डाव, आनंदीचा परदेशवारीचा निर्णय!

मुंबई : झी मराठी वाहिनीवरील लोकप्रिय मालिकांमध्ये या आठवड्यात अनेक रंजक, भावनिक आणि नाट्यमय घडामोडी…

1 तास ago

जिल्हा न्यायालयांतील ३४ हजार कर्मचारी संपावर; न्याय देणाऱ्या व्यवस्थेतच न्यायाचा प्रश्न!

महाराष्ट्रातील जिल्हा न्यायालयांमधील तब्बल ३४ हजार कर्मचारी आपल्या न्याय्य मागण्यांसाठी संपावर जाण्याची वेळ येणे, ही…

2 तास ago

जलद गतीच्या व्यायामांमुळे रक्तातील साखर वाढू शकते?

चालणे, योगासन करणे आणि जास्त हालचालींचे बहुतेक प्रकार शरीराला ग्लुकोजचे चांगले नियमन करण्यास मदत करतात.…

4 तास ago

घरच्या घरी ब्लड प्रेशर कसे तपासावे

सध्याच्या धावपळीच्या आयुष्यात आपण आरोग्याकडे आणि आहाराकडे दुर्लक्ष करतो, त्यामुळे अनेक आरोग्याच्या समस्या वाढताना दिसत…

4 तास ago

मनात विचारांचं काहूर, सतत चिडचिड होते? तुम्हालाही स्ट्रेस छळतोय ना, वाचा ४ सोपे उपाय

आपले मन आणि शरीर निरोगी असणं फार गरजेचे आहे. शारीरिक आरोग्यासह मानसिक आरोग्य जपायला हवे.…

17 तास ago

पाणी पिण्याची योग्य पद्धत

पाणी हे संपूर्ण आहारातील अतिशय महत्त्वाचा घटक असतो. शरीराचा ७० टक्के भाग हा पाण्याने व्यापलेला…

17 तास ago