तळेगाव ढमढेरे नजिक कारच्या धडकेत पत्नी ठार पती जखमी

शिक्रापूर (शेरखान शेख): तळेगाव ढमढेरे (ता. शिरुर) नजिक पिंपरी सांडस रस्त्याच्या कडेला पांढरी वस्ती येथे दुचाकीला कारची धडक बसून झालेल्या अपघातात जयश्री शिवाजी गरुड ही महिला ठार तर शिवाजी तुकाराम गरुड हे गंभीर जखमी झाले असून शिक्रापूर पोलीस स्टेशन येथे कार चालकावर गुन्हा दाखल करण्यात आला आहे.

तळेगाव ढमढेरे (ता. शिरुर) येथील तळेगाव ढमढेरे ते पिंपरी सांडस रस्त्याने शिवाजी गरुड व जयश्री गरुड हे दांपत्य त्यांच्या एम एच १२ के जी ९४९१ या दुचाकी वरुन चाललेले असताना ते पांढरी वस्ती येथे एका हॉटेल समोर थांबलेले असताना पिंपरी सांडस बाजूने एम एच १२ ई एम ३०३१ कार भरधाव वेगाने आली. यावेळी दुचाकीला जोरदार धडक बसल्याने दुचाकीवरील शिवाजी गरुड व जयश्री गरुड हे दोघे गंभीर जखमी झाले.

दरम्यान कार चालक कार जागेवर सोडून पळून गेला, तर जवळील नागरिकांनी दोघा जखमींना तातडीने उपचारासाठी शिक्रापूर येथील खाजगी रुग्णालयात पाठवले यावेळी जखमी जयश्री गरुड यांची प्रकृती गंभीर असल्याने त्यांना उपचारसाठी पुणे येथे हलविण्यात आले. मात्र डॉक्टरांनी जयश्री गरुड यांचा मृत्यू झाल्याचे घोषित केले. या घटनेत जयश्री शिवाजी गरुड (वय ५०) रा. धानोरे (ता. शिरुर) जि. पुणे ही महिला ठार झाली तर शिवाजी तुकाराम गरुड (वय ५५) रा. धानोरे (ता. शिरुर) जि. पुणे हे गंभीर जखमी झाले.

याबाबत राजेअमरसिंह राजेंद्र ढमढेरे (वय २२) रा. धानोरे (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी एम एच १२ ई एम ३०३१ या कार वरील अज्ञात चालकावर गुन्हे दाखल केले असून पुढील तपास पोलीस निरीक्षक हेमंत शेडगे यांच्या मार्गदर्शनाखाली पोलिस उपनिरीक्षक राजेश माळी हे करत आहे.