पाबळ मध्ये महिलेची गळफास घेऊन आत्महत्या

शिक्रापूर (शेरखान शेख): पाबळ (ता. शिरुर) येथे एका महिलेने घरात गळफास घेऊन आत्महत्या केल्याची घटना घडली असल्याने शिक्रापूर पोलीस स्टेशन येथे आकस्मात मृत्यूची नोंद करण्यात आली आहे.

पाबळ (ता. शिरुर) येथील दिपक चव्हाण यांची पुतणी नीलम जाधव काही कारणास्तव माहेरी आलेली होती. (दि. १२) सप्टेंबर रोजी दुपारच्या सुमारास नीलम घरात असताना तिला आवाज देऊनही ती दरवाजा उघडत नसल्याने शेजारील नागरिकांनी घराचा दरवाजा उघडला असता नीलन हिने गळफास घेतल्याचे दिसून आले.

यावेळी नागरिकांनी तिला उपकारासाठी जवळील रुग्णालयात नेले असता डॉक्टरांनी नीलम विवेक जाधव (वय १९) रा. निमोणे (ता. शिरुर) जि. पुणे हिचा मृत्यू झाल्याचे घोषित केले.

याबाबत दिपक कोंडीबा चव्हाण (वय ३६) रा. पाबळ राजवाडा (ता. शिरुर) जि. पुणे यांनी शिक्रापूर पोलीस स्टेशन येथे खबर दिली असल्याने शिक्रापूर पोलिसांनी आकस्मात मृत्यूची नोंद केली असून सदर गुन्ह्याचा पुढील तपास सहाय्यक पोलीस निरीक्षक विक्रम साळुंके करत आहे.