मुंबई: गेल्या काही दिवसांत अनेक मराठी कलाकारांनी सोशल मीडियावर लग्नाची आनंदाची बातमी जाहीर केली आहे. या मालिकेत आता अभिनेत्री अपूर्वा गोरेने चाहत्यांसोबत तिच्या आयुष्यातील एका खास क्षणाची खूशखबर शेअर केली आहे.
स्टार प्रवाहवरील सुपरहिट मालिका ‘आई कुठे काय करते’ मध्ये अपूर्वा गोरेने महत्त्वपूर्ण भूमिका साकारली होती. तिच्या पात्राचं नाव होतं ईशा, जी अरुंधतीची धाकटी मुलगी असते. घराघरांत लोकप्रिय झालेल्या या भूमिका साकारलेल्या अपूर्वाने आता खऱ्या आयुष्यात लग्नाच्या वाटेवर पाऊल टाकलं आहे.
सोशल मीडियावर अपूर्वाने होणाऱ्या पतीसह फोटो शेअर केले आहेत. हिरव्या रंगाची साडी, गळ्यात नाजूक ठुशी आणि हातात गुलाबाचं फूल घेऊन तिने हटके फोटोशूट केलं आहे. कॅप्शनमध्ये तिने लिहिलं आहे:
“ठरलं! चाफा आणि तो… मला खूप आवडतात…”
असे असले तरी, होणाऱ्या पतीचा चेहरा अद्याप प्रेक्षकांसमोर उघड केलेला नाही. त्यामुळे चाहत्यांमध्ये ‘तो’ कोण आहे याबद्दल उत्सुकता निर्माण झाली आहे.
या पोस्टवर अनेक कलाकारांनी अपूर्वाला तिच्या भावी आयुष्यासाठी शुभेच्छा दिल्या आहेत. यात सुकन्या मोने, अश्विनी महांगडे, शुभंकर एकबोटे, ऐश्वर्या शेटे, अदिती द्रविड यांचा समावेश आहे. तसेच, तिच्या चाहत्यांनीही तिच्या आनंदाचा उत्साह व्यक्त केला आहे.
वर्कफ्रंटबद्दल सांगायचं झालं तर, सध्या अपूर्वा ‘शेवग्याच्या शेंगा’ या नाटकात ऐश्वर्या आणि अविनाश नारकरसोबत काम करत आहे. तिच्या चाहत्यांना आता तिच्या लग्नाची तारीख आणि ‘तो’ कोण आहे हे जाणून घेण्याची आतुरता आहे.
शिक्रापूर : विद्यार्थ्यांनी केवळ उत्साही राहून चालणार नाही, तर ध्येयप्राप्तीसाठी वेडे होऊन सर्वस्व समर्पित करण्याची…
शिरुर (तेजस फडके): शिरुर ग्रामीण ग्रामपंचायतीच्या भोंगळ आणि निष्क्रिय कारभाराचा फटका बाबुरावनगर परिसरातील हजारो नागरिकांना…
पाबळ (सुनिल जिते): शिक्षणासाठी आर्थिक अडचणींशी झुंज देणाऱ्या विद्यार्थ्यांच्या पाठीशी खंबीरपणे उभे राहत कान्हूर मेसाई…
कर्जमाफी, ओबीसी आरक्षण आणि गोसीखुर्द कालवा दुर्घटनेवर सरकारला धारेवर धरले; ३ ऑगस्टपासून 'मंडल यात्रा'ची घोषणा.…
मुंबई: भायखळा येथील नूतनीकृत लोकशाहीर अण्णा भाऊ साठे नाट्यगृहाचे मुख्यमंत्री देवेंद्र फडणवीस यांच्या हस्ते लोकार्पण…
मुंबई: लोकशाहीर साहित्यरत्न अण्णाभाऊ साठे यांच्या नावाने नूतनीकरण व विस्तारीकरण करण्यात आलेल्या नाट्यगृहाचे लोकार्पण मुख्यमंत्री…