शिरुर तालुक्यातुन २१ वर्षीय युवती बेपत्ता; कुटुंबीयांची पोलीसांकडे धाव

न्हावरे (प्रतिनिधी) शिरुर तालुक्यातील न्हावरे गावातील २१ वर्षीय युवती कोणालाही न सांगता घरातून अचानक बेपत्ता झाली आहे. या घटनेने परिसरात चिंतेचे वातावरण पसरले असून कुटुंबीयांनी शिरुर पोलीस ठाण्यात तक्रार दाखल केली आहे.

शिरुर पोलिसांनी दिलेल्या माहितीनुसार, “संध्याकाळी युवतीचे आई-वडील बाजारासाठी बाहेर गेलेले असताना त्यांची हि घरीच होती. ते घरी आल्यानंतर त्यांची मुलगी कुठेच दिसून आली नाही. त्यांनी आजूबाजूला शोध घेतला, नातेवाईकांकडे विचारपूस केली, मात्र ती कुठेही मिळाली नाही.”

या २१ वर्षीय बेपत्ता युवतीचे वर्णन पुढीलप्रमाणे रंग गोरा, उंची ५ फुट ४ इंच, काळ्या रंगाचा टॉप, काळ्या रंगाची लेगीज, पायात लालसर-हिरव्या रंगाची चप्पल तसेच उजव्या गालावर जुन्या जखमेची खूण आहे.

या प्रकरणी शिरुर पोलीस ठाण्यात मिसिंगची नोंद करण्यात आली असून पोलिस निरीक्षक संदेश केंजळे यांच्या मार्गदर्शनाखाली पोलिस हवालदार पवार हे या घटनेचा पुढील अधिक तपास करत आहेत. जर कुणाला संबंधित मुलगी दिसल्यास किंवा काही माहिती मिळाल्यास तात्काळ शिरुर पोलीस ठाण्यात संपर्क साधावा असे आवाहन या युवतीच्या कुटुंबीयांनी केले आहे.

शिरुर तालुक्यातील आलेगाव पागा येथून दोन दिवसांपासून तरुण बेपत्ता; कुटुंब चिंतेत

शिरुर तालुक्यातील एका शिक्षकाचा प्रताप; आदिवासी महिलेची केली छेडछाड

शिरुर तालुक्यातील छेडछाड प्रकरणी डायल ११२ ला कॉल पण शिक्षकावर कारवाई कधी…?