महसूल सप्ताहात जनतेसाठी उपयुक्त उपक्रमांची रेलचेल – शिरूर तहसील प्रशासनाचा पुढाकार

शिरूर (अरुणकुमार मोटे):शिरूर तालुका प्रशासनाच्या वतीने दिनांक १ ऑगस्ट ते ७ ऑगस्ट २०२५ दरम्यान ‘महसूल सप्ताह’ साजरा करण्यात येत असून, या कालावधीत विविध लोकहिताच्या उपक्रमांचे आयोजन करण्यात आले आहे. या कार्यक्रमाचा उद्देश महसूल विभागाशी संबंधित नागरिकांच्या समस्या तात्काळ सोडवणे, माहिती उपलब्ध करून देणे आणि प्रशासनाबद्दल जनजागृती करणे हा आहे.महाराष्ट्र शासनाच्या आदेशानुसार व जिल्हाधिकारी पुणे यांच्या मार्गदर्शनाखाली महसूल विभाग व तालुका प्रशासन शिरूर यांनी सप्ताहाच्या निमित्ताने खालील उपक्रमांची आखणी केली आहे:

महसूल सप्ताहातील मुख्य उपक्रम (दि. १ ऑगस्ट ते ७ ऑगस्ट):

दिनांक कार्यक्रमाचे स्वरूप -१ ऑगस्ट -“महसूल दिन” साजरा करून महसूल सप्ताहाचा शुभारंभ. अधिकार्‍यांचे संवाद, तक्रार निवारण व जनजागृती,२ -ऑगस्ट “शासकीय योजना सन २०२१ पूर्वीपासून राहिवासी असलेल्या कुटुंबांना लाभ” योजनेची माहिती व वाटप,३ ऑगस्ट – पांडव/विरक्तवस्ती नोंदणी व त्यांचा इतर हक्कांसाठी आढावा,४ ऑगस्ट -सीमांकन, फेरसर्वेक्षण, नकाशे आणि त्यांच्या अंमलबजावणीसाठी विशेष शिबीर,५ ऑगस्ट – “माझं सहाय्यक गाव” उपक्रमांतर्गत ग्रामसेवक, तलाठी, सरपंच यांच्यात समन्वय बैठक,६ ऑगस्ट- विविध शासकीय योजनांचा लाभ नागरिकांपर्यंत पोहोचविण्यासाठी विशेष प्रयत्न व SOP नुसार अंमलबजावणी,७ ऑगस्ट -M-Sand वाळू उपसा प्रकरणी जनजागृती, नियमनासाठी मार्गदर्शक तत्वांची माहिती आदी विषयांचा समावेश आहे.

या उपक्रमांमुळे महसूल विभागाशी संबंधित सेवा जलद, पारदर्शक आणि प्रभावी पद्धतीने मिळणार असून, नागरिकांचा प्रशासनावर विश्वास वाढेल, असा विश्वास शिरूर तहसीलदार बाळासाहेब म्हस्के यांनी व्यक्त केला. या संपूर्ण सप्ताहात महसूल कार्यालय खुले राहून नागरिकांच्या प्रश्नांचे निराकरण प्राधान्याने करण्यात येणार आहे. तालुका प्रशासनाने नागरिकांनी मोठ्या संख्येने या उपक्रमात सहभागी व्हावे, असे आवाहन केले आहे.