गुनाटच्या दत्तभुमीतुन भक्तीचा जागर; दत्त परिक्रमेस ऐतिहासिक प्रारंभ

शिंदोडी (तेजस फडके): गेल्या अनेक दशकांपासुन भक्ती, श्रद्धा आणि परंपरेचा वारसा जपणाऱ्या शिरुर तालुक्याच्या पुर्व भागातील गुनाट गावातुन दत्तभक्तीचा नवा अध्याय सुरु झाला असुन, येथील ग्रामदैवत श्री दत्त मंदिरातून दत्त परिक्रमेस भक्तिभावपूर्ण आणि मंगल वातावरणात ऐतिहासिक सुरुवात करण्यात आली.

गुनाट येथील श्री दत्त मंदिर हे परिसरातील भाविकांचे श्रद्धास्थान असून, २०१८ साली ग्रामस्थांच्या एकजुटीतून मंदिराचा जिर्णोद्धार करण्यात आला. भव्य-दिव्य रचना आणि सव्वा सहा फूट उंचीची आकर्षक दत्तमूर्ती गावाच्या वैभवात भर घालत असून, दररोज दर्शनासाठी भाविकांची मोठी गर्दी असते.

गावामध्ये गेल्या ३३ वर्षांपासून अखंड हरिनाम सप्ताह सुरु असुन, दर गुरुवारी व पौर्णिमेच्या दिवशी महाआरती तसेच दररोज हरिपाठाचे आयोजन होत असल्याने गुनाट गाव संपूर्ण परिसरात धार्मिक केंद्र म्हणून ओळख निर्माण करत आहे.

या भक्तीमय वातावरणात पिंपरी-चिंचवड महानगरपालिकेत कार्यरत अभियंता दिपक करपे यांनी दत्त परिक्रमेची संकल्पना मांडत ग्रामस्थांना मार्गदर्शन व प्रेरणा दिली. त्यांच्या या संकल्पनेस कृषी अधिकारी जयवंत भगत, सतीश कोळपे, अनिल करपे, गोरख धुमाळ, संतोष भोस, महेश भैरट, कांतीलाल भगत यांच्यासह अनेक मान्यवरांनी उत्स्फूर्त पाठिंबा दिला.

गुरुवार दि १ जानेवारी २०२६ रोजी श्री दत्त मंदिरात विधीवत पूजा व महाआरती करुन मंदिरातील पादुका घेऊन दत्त परिक्रमेस प्रारंभ करण्यात आला. या परिक्रमेमध्ये सांगली जिल्ह्यातील मोराळे व औदुंबर, कोल्हापूर जिल्ह्यातील नृसिंहवाडी, सोलापूर जिल्ह्यातील अक्कलकोट, कर्नाटकातील गाणगापूर, नांदेड जिल्ह्यातील माहूरगड तसेच वाशिम जिल्ह्यातील कारंजा लाड या प्रमुख दत्त तीर्थक्षेत्रांचा समावेश आहे.

या परिक्रमा प्रस्थानावेळी विष्णु करपे, ह.भ.प. विठ्ठल महाराज भगत, योगेश गाडे तसेच माजी सरपंच गहिनीनाथ डोंगरे, ॲड. गणेशराव करपे, सेवा निवृत्त वरिष्ठ पोलीस अधिकारी कल्याण करपे, पोलीस पाटील हनुमंत सोनवणे, विजय गाडे, तुषार भगत, संतोष भोरडे, संतोष भगत, तानसेन करपे, महेश गाडे, सचिन करपे, श्यामकांत गोरडे, सतीश डोंगरे, वैभव करपे, सतीश सोनवणे आदी दत्तभक्त मोठ्या संख्येने सहभागी झाले.

या नाविन्यपुर्ण आणि प्रेरणादायी दत्त परिक्रमेमुळे गुनाट गावाची ओळख धार्मिक पर्यटनाच्या नकाशावर अधिक ठळकपणे अधोरेखित होत असून, परिसरातून या उपक्रमाचे सर्वत्र कौतुक होत आहे.