शिरुर (तेजस फडके) शिरुर शहरातील सरदार पेठेतील गजबजलेल्या भागात आज बुधवार दि २४ सप्टेंबर २०२५ पहाटे साडेचारच्या सुमारास अज्ञात दरोडेखोरांनी अमोल ज्वेलर्स अँड सन्स प्रा. लि. या नामांकित सराफ दुकानावर धाड टाकून लाखो रुपयांचे सोन्याचे दागिने लंपास केले. या घटनेमुळे शहरात मोठी खळबळ उडाली असून व्यापारी व नागरिकांत भीतीचे वातावरण निर्माण झाले आहे.
दरोड्याची कशी घडली घटना…
चारचाकी वाहनातून आलेल्या दरोडेखोरांच्या टोळक्याने अत्याधुनिक कटरच्या सहाय्याने दुकानाचे शटर उघडले. त्यानंतर त्यांनी काउंटरवरील काचेची शटरं फोडून आत प्रवेश केला. काही मिनिटांतच त्यांनी सोन्याचे दागिने गोळा करुन पळ काढला. प्राथमिक माहितीनुसार लाखो रुपयांचा ऐवज लंपास झाल्याचे समोर आले आहे.
पोलिसांची तातडीची कारवाई…
या घटनेची माहिती मिळताच शिरुरचे उपविभागीय पोलीस अधिकारी प्रशांत ढोले तसेच शिरुर पोलिस ठाण्याचे पोलीस निरीक्षक संदेश केंजळे यांनी तात्काळ घटनास्थळी धाव घेतली. पोलिसांनी पंचनामा करुन दुकानातील सीसीटीव्ही फुटेज तपासायला सुरुवात केली आहे. आसपासच्या परिसरातील रस्ते, टोल नाके आणि चौकांवरील सीसीटीव्हीदेखील तपासण्यात येत आहेत.
व्यापारी वर्गात चिंतेचे वातावरण…
शिरुर शहरातील गजबजलेल्या सरदार पेठेतील व्यापाऱ्यांनी घटनेनंतर तीव्र चिंता व्यक्त केली आहे. काही दिवसांपूर्वीच या भागात गस्त वाढवावी, अशी मागणी करण्यात आली होती. मात्र अशा मोठ्या चोरीच्या प्रकारामुळे शिरुर शहरातील सुरक्षा व्यवस्था अपुरी असल्याचे पुन्हा एकदा स्पष्ट झाले आहे.
दरोड्याचा तपास सुरु…
सदर दरोड्याबाबत शिरुर पोलिस स्टेशन येथे गुन्हा दाखल करण्यात आला असून दरोडेखोरांचा शोध घेण्यासाठी गुप्तहेर पथके कार्यरत झाली आहेत. हा दरोडा एखाद्या व्यावसायिक टोळीने टाकल्याचा असल्याचा पोलिसांचा प्राथमिक अंदाज आहे. लवकरच आरोपींचा तपास लावला जाईल, असा विश्वास पोलिस अधिकाऱ्यांनी व्यक्त केला आहे.
Video; मुसळधार पाऊसात विजेच्या खांबावर लटकावला बॅनर, महावितरण कारवाई करणार का…?
Video; शिरुर तालुक्यात DJ च्या आवाजाने बैल उधळली; दोन लहान मुल जखमी
Video; करडे-रांजणगाव अष्टविनायक महामार्गावर अपघात; भरधाव डंपरची घराला धडक
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…