शिरुर (तेजस फडके) पुणे ग्रामीण दहशतवाद विरोधी पथकाने (ATS) शिरुर परिसरात धडक कारवाई करत दोन संशयित तरुणांना गावठी पिस्टलसह ताब्यात घेतल्याने परिसरात एकच खळबळ उडाली आहे. वाढत्या अवैध शस्त्रसाठ्यावर अंकुश ठेवण्यासाठी सुरु असलेल्या विशेष मोहिमेअंतर्गत ही कारवाई करण्यात आली असून, या प्रकरणातून मोठ्या गुन्हेगारी साखळीचा उलगडा होण्याची शक्यता वर्तवली जात आहे.
पुणे जिल्हा पोलीस अधीक्षक संदीपसिंह गिल यांच्या आदेशानुसार अवैध अग्निशस्त्र बाळगणाऱ्यांवर कडक कारवाई सुरु असताना ATS पथकाला शिरुर पोलीस ठाणे हद्दीत ‘सतरा कमान रोड’ परिसरात एका व्यक्तीकडे गावठी पिस्टल असल्याची खात्रीशीर माहिती मिळाली. या माहितीच्या आधारे एटीएस (ATS) आणि शिरुर पोलीस यांच्या संयुक्त पथकाने पांजरपोळ समोरील परिसरात सापळा रचत छापा टाकला.
या कारवाईत सुमित वसंत शेळके (वय २०, रा. पळवे खुर्द, ता. पारनेर, जि. अहिल्यानगर) आणि साजिद रफिक खान (वय ३०, रा. मंगलमूर्ती नगर, शिरुर) यांना ताब्यात घेण्यात आले. त्यांच्या झडतीत सुमारे ५० हजार रुपये किमतीचे विनापरवाना गावठी पिस्टल जप्त करण्यात आले. प्राथमिक चौकशीत साजिद खान यानेच हे पिस्टल सुमित शेळके याला विक्री केल्याचे उघड झाले आहे.
या दोन्ही आरोपींविरुद्ध शिरुर पोलीस ठाण्यात गुन्हा भारतीय हत्यार कायदा कलमा अंतर्गत गुन्हा दाखल करण्यात आला आहे. विशेष म्हणजे हे दोघेही रेकॉर्डवरील सराईत गुन्हेगार असून, सुमारे वर्षभरापुर्वी अहिल्यानगर जिल्ह्यातील सुपा एमआयडीसी परिसरात ट्रान्सपोर्ट कॉन्ट्रॅक्टच्या वादातून खुनाच्या प्रयत्नाचा गंभीर गुन्हा त्यांच्या नावावर नोंद आहे.
सदरची कारवाई पुणे ग्रामीणचे पोलीस अधीक्षक संदीप सिंह गिल्ल, अपर पोलीस अधीक्षक रमेश चोपडे, शिरुर पोलीस ठाण्याचे प्रभारी निरीक्षक हेमंत शेडगे यांच्या मार्गदर्शनाखाली पार पडली. एटीएसचे सहाय्यक पोलीस निरीक्षक प्रकाश पवार, उपनिरीक्षक महेश गायकवाड, विशाल गव्हाणे, पोलीस हवालदार निलेश कदम, रवींद्र जाधव, मोसीन शेख, ओंकार शिंदे, जालिंदर मुळीक, तसेच शिरूर पोलीस स्टेशनचे पोलीस उपनिरीक्षक शुभम चव्हाण, नीरज पिसाळ यांच्या पथकांने केलेली आहे.
दरम्यान आरोपींना शिरुर न्यायालयासमोर हजर केले असता त्यांना सहा दिवसांची पोलीस कोठडी सुनावण्यात आली आहे. जप्त करण्यात आलेले पिस्टल नेमके कुठून आणले, त्यामागील उद्देश काय होता आणि या प्रकरणामागे आणखी कोणते गुन्हेगारी नेटवर्क कार्यरत आहे का, याचा सखोल तपास शिरूर पोलीस करत आहेत.
शिरुरमध्ये एटीएस चा सर्जिकल स्ट्राईक; ‘एमडी’ ड्रग्ज विक्रेते रंगेहाथ पकडले, लाखोंचा साठा जप्त
शिरुर तालुक्यात लाखोंची फसवणुक; विश्वासू कर्मचाऱ्यानेच मालकाला घातला गंडा
शिरुर; माता नव्हे तु वैरीणी! मातृत्वाला काळिमा फासत अकरा महिन्याच्या चिमुकल्याचा खून
शिक्रापूर (अक्षय टेमगिरे) : दिवाळी म्हटले की खरेदीसाठी बाजारपेठांमध्ये होणारी गर्दी आणि नगर-पुणे महामार्गावरील वाहतूक…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…