शिरुर (तेजस फडके) शिरुर शहर आणि रांजणगाव एमआयडीसी परिसरात तरुणाईला विळखा घालणाऱ्या ‘एमडी’ (मॅफेड्रॉन) ड्रग्जच्या काळ्या बाजारावर अखेर पोलिसांनी जबरदस्त घाव घातला आहे. पुणे ग्रामीण दहशतवाद विरोधी पथकाने (एटीएस) मंगळवार (दि 7) रोजी केलेल्या कारवाईत दोन तरुणांना अक्षरशः रंगेहाथ पकडत सुमारे १ लाख ४ हजारांचा घातक अमली साठा जप्त केला आहे.
‘पानटपरी’वर सुरू होता ड्रग्जचा काळाबाजार…
शिरुर हद्दीत पुणे-अहिल्यानगर महामार्गालगत असलेल्या “एम्पायर” नावाच्या पानटपरीवरुनच ‘एमडी’ ड्रग्जचा उघडपणे व्यवहार सुरु होता. तरुणांना सहज गाठून “ओळखीच्या ग्राहकांना” हा विषारी माल विकला जात असल्याची खात्रीशीर माहिती ‘एटीएस’ ला मिळताच सापळा रचण्यात आला.
वेशांतर करत ‘एटीएस’ने साधला अचूक डाव…
गेल्या काही दिवसांपासून एटीएस पथकाने वेशांतर करुन रांजणगाव-शिरुर परिसरात गुप्त हालचाली सुरु ठेवल्या होत्या. योग्य क्षण साधत पोलिसांनी छापा टाकला आणि साहील संदीप करंजुले (वय २०) व ओंकार संजय धावडे (वय २३) या दोघांना ताब्यात घेतले. त्यांच्या ताब्यातून विक्रीसाठी साठवलेले एमडी ड्रग्ज जप्त करण्यात आले.
मोठं रॅकेट उघड होण्याची शक्यता…?
या दोघांवर शिरुर पोलीस ठाण्यात एनडीपीएस कायद्यांतर्गत गुन्हा दाखल करण्यात आला असून न्यायालयाने त्यांना ५ दिवसांची पोलीस कोठडी सुनावली आहे. त्यांना हा ड्रग्ज पुरवठा कोण करतंय…? या रॅकेटचा मुख्य सूत्रधार कोण…? तसेच एमआयडीसी परिसरात किती खोलवर जाळं पसरलं आहे…? अशा अनेक प्रश्नांची उत्तर पोलिसांच्या तपासात मिळणार असल्याचीही शक्यता आहे. तपास जसजसा पुढे सरकेल, तसतसे मोठे धक्कादायक खुलासे होण्याचीही शक्यता आहे.
तरुणाई उद्ध्वस्त; प्रशासनाची झोप उडाली…
शिरुर आणि रांजणगाव परिसरात ‘एमडी’ सारख्या घातक ड्रग्जचा शिरकाव झाल्याने परिस्थिती भीषण बनली आहे. कॉलेज तरुण, कामगार आणि बेरोजगार युवक या विळख्यात अडकत असल्याचे वास्तव समोर येत आहे. त्यामुळे अनेकांचे आरोग्य, करिअर आणि कुटुंब उद्ध्वस्त होत असल्याचे चित्र आहे. तसेच ग्रामीण भागातही ड्रग्जची कीड पसरत असल्याने पालकांमध्ये भीतीचं वातावरण निर्माण झालं आहे.
एटीएसचा इशारा… ‘ड्रग्ज माफियांना आता सुट्टी नाही’
हि कारवाई पुणे ग्रामीणचे पोलीस अधीक्षक संदीपसिंह गिल, अपर अधीक्षक रमेश चोपडे, उपविभागीय अधिकारी प्रशांत ढोले आणि शिरूर पोलीस स्टेशनचे प्रभारी पोलीस निरीक्षक हेमंत शेडगे यांच्या मार्गदर्शनाखाली दहशतवाद विरोधी शाखेचे सहाय्यक पोलीस निरीक्षक प्रकाश पवार, सहाय्यक पोलीस उपनिरीक्षक महेश गायकवाड, विशाल गव्हाणे, पोलीस हवालदार निलेश कदम, रवींद्र जाधव, मोसीन शेख, ओंकार शिंदे, जालिंदर मुळीक, तसेच शिरुर पोलीस स्टेशनचे पोलीस उपनिरीक्षक हनुमंत नकाते, पोलीस हवालदार नितीन सुद्रीक, राहुल भवर, पवन तायडे यांच्या पथकांने केली आहे.
शिरुर तालुक्यात लाखोंची फसवणुक; विश्वासू कर्मचाऱ्यानेच मालकाला घातला गंडा
शिरुर; माता नव्हे तु वैरीणी! मातृत्वाला काळिमा फासत अकरा महिन्याच्या चिमुकल्याचा खून
शिरुर तालुक्यात ग्रामपंचायत कर्मचारी एसीबीच्या जाळ्यात; पोलीस ठाण्यात गुन्हा दाखल
मुंबई: महाराष्ट्राच्या राजकारणात सोमवारी मोठी घडामोड घडली. शिवसेना (उद्धव बाळासाहेब ठाकरे) गटातील सहा विद्यमान खासदारांनी…
मुंबई: माहितीचा अधिकार (RTI) हा नागरिकांना शासनाच्या कामकाजात पारदर्शकता आणि उत्तरदायित्व सुनिश्चित करण्यासाठी मिळालेला महत्त्वाचा…
नागपूर: ओबीसी समाजाची अचूक लोकसंख्या देशासमोर यावी यासाठी होणाऱ्या जनगणनेत स्वतंत्र ओबीसी कॉलमचा समावेश करणे…
इचलकरंजी: देशाच्या राजनैतिक शक्तीपीठांचा विचार केला तर पहिले शक्तीपीठ म्हणजे पंतप्रधान नरेंद्र मोदी आणि दुसरे…
कोल्हापूर : पवनराजे निंबाळकर हत्याकांड प्रकरणातील सर्व आरोपींची निर्दोष मुक्तता झाल्यानंतर पीडित कुटुंबीयांना न्याय मिळवून…
कोल्हापूर: श्री महालक्ष्मी अंबाबाई मंदिराच्या सुमारे १५०० कोटी रुपयांच्या आधुनिकीकरण व सुशोभीकरण प्रकल्पाचा शुभारंभ केंद्रीय…