पारोडी ग्रामपंचायतीच्या उपसरपंचपदी बजरंग तात्या सातकर यांची बिनविरोध निवड

न्हावरे (अक्षय टेमगिरे): शिरूर तालुक्यातील पारोडी येथे उपसरपंच पदासाठी निवडणूक प्रक्रिया पार पडली असुन सदर निवडणूक विद्यमान सरपंच तथा अध्यासी अधिकारी वर्षा लाला येळे यांच्या अध्यक्षतेखाली घेण्यात आली.

या निवडणुकीत उपस्थित सदस्यांपैकी बजरंग तात्या सातकर यांचा एकमेव अर्ज प्राप्त झाल्याने अध्यासी अधिकारी वर्षा लाला येळे व ग्रामपंचायत अधिकारी दत्तात्रय नारायण कुंभार यांनी अर्ज वैध असल्याचे घोषित केले.

त्यानंतर दुपारी 2 वाजता बजरंग तात्या सातकर यांची उपसरपंचपदी बिनविरोध निवड जाहीर करण्यात आली असुन यापूर्वी ग्रामपंचायत पारोडीच्या उपसरपंचपदी दिपाली गणेश कवितके कार्यरत होत्या. मात्र सर्व सभासदांना संधी मिळावी या हेतूने त्यांनी आपल्या पदाचा राजीनामा दिल्याने नवनिर्वाचित उपसरपंच बजरंग तात्या सातकर यांना कामकाजाची संधी प्राप्त झाली आहे.

या निवडप्रक्रियेवेळी सरपंच तथा अध्यासी अधिकारी वर्षा लाला येळे, ग्रामपंचायत अधिकारी दत्तात्रय नारायण कुंभार यांनी कामकाज पाहिले. यावेळी विशाल गव्हाणे, मेजर योगेश टेमगिरे, शशिकांत कोकरे,माजी सरपंच कमल शिवले, चिंतामण टेमगिरे, लालासो येळे आदी ग्रामस्थ उपस्थित होते.

कार्यक्रमाचे प्रास्ताविक ग्रामपंचायत लिपिक सुशांत टेमगिरे यांनी केले. तर अध्यासी अधिकारी वर्षा लाला येळे यांनी आभार मानत नवनिर्वाचित उपसरपंच बजरंग तात्या सातकर यांना पुढील कार्यकाळासाठी शुभेच्छा दिल्या