न्हावरे (तेजस फडके) शिरुर तालुक्यातील अरणगाव गावठाण हद्दीतून शासनाची कुठलीही परवानगी न घेता हजारो ब्रास गौणखनिज मुरुमाचे उत्खनन झाल्याचा गंभीर प्रकार उघडकीस आला आहे. जेसीबी क्रं (एमएच ४२ बीजे ९७४६) व ट्रॅक्टरच्या सहाय्याने झालेले हे उत्खनन ग्रामस्थांच्या रोषाचा विषय ठरत असून, महसूल यंत्रणेतील अधिकाऱ्यांनीही यात संगनमत करुन मोठा भ्रष्टाचार केल्याचा आरोप होत आहे.
याबाबत राजेंद्र बापूराव टेमगिरे यांनी दिलेल्या तक्रारीनुसार ग्राम महसूल अधिकारी प्रशांत कांबळे व गाव कामगार तलाठी योगेश टिळेकर यांनी बाळासो माधव ढवळे यांच्या संगनमताने वरिष्ठ कार्यालयाला चुकीचा अहवाल सादर केला असल्याचा आरोप टेमगिरे यांनी केला आहे.
पंचनाम्यात फेरफार…?
१३ ऑगस्ट २०२५ रोजी पंचनामा करताना पंच नेमिनाथ तांबे, प्रवीण ढवळे आणि ऋषिकेश मखर यांच्या उपस्थितीत लांबी ९५ फूट, रुंदी ३० फूट व उंची ९ फूट असा तपशील नोंदवला गेला. मात्र वरिष्ठ कार्यालयाला पाठविलेल्या अहवालात रुंदी फक्त २० फूट दाखवून खरे तथ्य लपविण्यात आले आहे. यामुळे ग्रामस्थ व तक्रारदार राजेंद्र टेमगिरे यांचीच नव्हे तर शासनाचीही उघडपणे फसवणूक झाल्याचा आरोप होत आहे.
कुंपणच शेत खातय का…?
तक्रारदार राजेंद्र टेमगिरे यांनी अवैध उत्खननाबाबत ठोस पुरावे व अवैध उत्खननाचा व्हिडिओही महसूल विभागाला सादर केलेला असूनही प्रशासन गप्प बसुन कारवाईला टाळाटाळ करत आहे. त्यामुळे यात ‘कुंपणच शेत खातय’ अशी दबक्या आवाजात चर्चा सुरु आहे.
प्रशासन मौन का…?
याबाबत शिरुरचे तहसीलदार बाळासाहेब मस्के यांच्याशी संपर्क साधला असता त्यांच्याशी संपर्क होऊ शकला नाही. त्यामुळे शिरुरचे तहसीलदार जेसीबी व ट्रॅक्टरवर कारवाई करणार का…? तसेच बाळासो ढवळे यांच्यावर दंडात्मक कारवाई होणार का…? आणि पंचनामा बदलणाऱ्या अधिकाऱ्यांना पाठीशी घालणार की त्यांच्यावर कठोर कारवाई करणार…? तसेच तक्रारदाराला न्याय मिळणार का…? याची नागरिकांना प्रतीक्षा आहे.
(क्रमशः)
गुनाट-शिंदोडी रस्त्याच्या दुरुस्तीसाठी ७० लाख रुपये मंजुर
रांजणगाव पोलिसांनी अपहरण झालेल्या तीन वर्षाच्या मुलाची केली पंजाबमधून सुटका
Video; विसापुर-शिरुर एसटी वाहकाला मुजोर तरुणाची मारहाण
शिरुर (तेजस फडके) चिंचणी (ता. शिरुर) शिरूर आणि श्रीगोंदा तालुक्यातील शेतीसाठी जीवनदायिनी ठरलेल्या चिंचणी (ता.…
पिंपरी-चिंचवड : वाढत्या पिंपरी-चिंचवड शहराच्या सुरक्षिततेचा पाया अधिक मजबूत करण्यासाठी पोलीस दलाच्या आधुनिकीकरणाला राज्य सरकारने…
थोरात, हंडोरे, नसीम खान यांच्यासह चौघांची समिती; तीन आठवड्यांत अहवाल सादर होणार मुंबई: नागपूर पदवीधर,…
मुंबई: महाराष्ट्रात काँग्रेस पक्षाचे संघटन अधिक मजबूत करण्यासाठी प्रदेश नेतृत्वाने आता नियोजनबद्ध पावले उचलण्यास सुरुवात…
शिरूर (अरुणकुमार मोटे): मलठण (ता. शिरूर) येथील मलठण-शिक्रापूर रस्त्यावरील एकनाथ दंडवते यांच्या घरावर रात्री सुमारे…
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…