शिरुर (तेजस फडके) भाजपाचे शिरुर शहराध्यक्ष नितीन पाचर्णे यांनी शहराध्यक्षपदाचा तडकाफडकी राजीनामा दिल्यानंतर त्यांच्या समर्थनार्थ शिरुरमधी‌ल भाजपच्या महीला मोर्चा आघाडीच्या अध्यक्ष प्रिया बिराजदार व सरचिटणीस शुभांगी पाचर्णे यांच्या सहीत १६ महीला पदाधिकाऱ्यांचे राजीनामे तालुका अध्यक्ष आबासाहेब सोनवणे यांच्याकडे आज (दि ५) जुलै रोजी निसर्ग गार्डन मंगल कार्यालयात पक्षाच्या मिटींगमध्ये सुपुर्द करण्यात आल्याने खळबळ माजली असुन विधानसभा निवडणुकीपुर्वी शिरुर शहरातील पदाधिकाऱ्यांनी राजीनामे दिल्याने अनेकांच्या भुवया उंचावल्या आहेत.
स्वर्गीय आमदार लोकनेते बाबुराव पाचर्णे यांनी शिरुर तालुक्यात भाजपा पक्ष वाढीसाठी खुप प्रयत्न केले होते. तसेच त्यांनी शिरुर व हवेली या दोन्ही तालुक्यात प्रचंड मोठया प्रमाणात पक्ष संघटन केले होते. परंतु पाचर्णे यांच्या निधनानंतर मात्र भाजपच्या एकाही स्थानिक नेत्याला किंवा पदाधिकाऱ्याला ते पक्ष संघटन टिकवता आले नाही. त्यामुळे भाजपाच्या जुन्या कार्यकर्त्यांना स्वर्गीय बाबुराव पाचर्णे यांच्यानंतर पक्षात कोणीही तेवढ्या ताकतीचा नेता उरला नाही. त्यामुळे भाजपचा बालेकिल्ला शिरुरमधून उध्वस्त होऊ लागला आहे.
याउलट राष्ट्रवादी पक्षात फुट पडल्यानंतर शिरुर तालुक्यातील सगळेच बडे नेते अजित पवारांसोबत गेले. मात्र आमदार अशोक पवार यांनी मात्र शरद पवारांसोबत राहणे पसंत केले. लोकसभा निवडणुकीत शरद पवार व अशोक पवार यांना सर्वसामान्य जनतेने साथ दिल्याने डॉ अमोल कोल्हे यांना शिरुर-हवेलीतुन मताधिक्य मिळाले. शिरुर तालुक्यातील स्वर्गीय आमदार बाबुराव पाचर्णे यांच्या तर्डोबाचीवाडी गावात शिवाजीराव आढळराव पाटील यांना मताधिक्य मिळाले. असे असतानाही स्वर्गीय आमदार पाचर्णे यांचे पुतणे नितीन पाचर्णे यांनी तडकाफडकी राजीनामा देण्याचं कारण काय…? असा प्रश्न उपस्थित होत आहे.
शिरुरच्या पदाधिकाऱ्यांच्या कायमच दौंड तालुक्यात वाऱ्या…?
शिरुर तालुक्यातील भाजपाचे अनेक पदाधिकारी हे कायमच दौंड तालुक्यात असतात. शिरुरचे प्रश्न सोडविण्यासाठी त्यांनी शिरुर मधील कार्यकर्त्यांशी संपर्कात राहणे गरजेचे असताना दौंड तालुक्यात जाऊन स्वतःची वैयक्तिक कामे ते करत असतात. त्यामुळे पक्षातील सर्वसामान्य कार्यकर्ते त्यांच्यावर प्रचंड मोठया प्रमाणात नाराज आहेत. भाजपाच्या काही पदाधिकाऱ्यांनी सत्तेचा फायदा घेत स्वतःचा विकास केल्याचीही दबक्या आवाजात जोरदार चर्चा आहे.
शिरुर तालुक्यात भाजपा पक्ष संघटना फक्त नावापुरतीच…?
पदाधिकारी पक्षात संघटनात्मक काम करायच सोडुन कार्यकर्त्यांचे प्रश्न व अडचणी सोडविण्यासाठी यांच्याकडे वेळ नाही. फक्त आलिशान वातानुकुलीत गाडीत बसुन पक्ष वाढतं नाहीत. तर त्यासाठी शिरुरचे सालकरी आमदार स्व बाबुराव दौंडकर, स्व. संभाजीराव भुजबळ, लोकनेते आमदार स्व बाबुराव पाचर्णे यांच्या सारखं सर्वसामान्य लोकांमध्ये मिसळुन त्यांच्या व्यथा आणि अडचणी जाणून घ्याव्या लागतात अशी प्रतिक्रिया भाजपाच्या एका जुन्या निष्ठावंत कार्यकर्त्यांनी नाव न छापण्याच्या अटीवर दिली.
खळबळजनक! शिरुर शहरातील भाजपाच्या पदाधिकाऱ्यांचे तडकाफडकी राजीनामे
शिरुर तालुक्यात भाषणबाजीत महिला आघाडीवर; महिलांच्या शुभाशिर्वादाने एक आगळावेगळा शुभविवाह संपन्न
शिक्रापूर (अक्षय टेमगिरे) : दिवाळी म्हटले की खरेदीसाठी बाजारपेठांमध्ये होणारी गर्दी आणि नगर-पुणे महामार्गावरील वाहतूक…
शिरूर (तेजस फडके) : शिरुर तालुक्यात शेतकऱ्यांच्या शेतीपंपांना वीजपुरवठा करणारी विद्युत रोहित्रे आता चोरट्यांच्या निशाण्यावर…
१० नोव्हेंबरच्या निवडणुकीत सर्व संचालकांना मतदानाची संधी द्या; सतेज पाटील यांच्या पाठीशी काँग्रेस ठाम मुंबई: गोकुळ…
लग्न म्हणजे केवळ दोन जीवांचे मिलन किंवा दोन कुटुंबांचे नाते नाही, तर दोन व्यक्तींनी एकमेकांच्या…
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…