रांजणगाव गणपती (तेजस फडके) रांजणगाव गणपती येथील औद्योगिक वसाहती मधील महाराष्ट्र एन्व्हायरो पावर लिमिटेड (MEPL) या कंपनी विरोधात निमगाव भोगी ग्रामस्थांनी सुरु केलेल्या आंदोलनाच्या पार्श्वभुमीवर लोकसभेमध्ये संसदरत्न खासदार अमोल कोल्हे यांनी ज्या पद्धतीने आवाज उठवला. तसाच आवाज विधानसभेतही उठवणार असल्याचे प्रतिपादन आमदार अ‍ॅड अशोक पवार यांनी केले.
निमगाव भोगी व परिसरात MEPL कंपनीच्या दुषित पाण्यामुळे जमीन मोठ्या प्रमाणात नापीक झाली आहे. माणसांचे व जनावरांचे आरोग्य धोक्यात आले आहे. त्यामुळे निमगाव भोगी येथील ग्रामस्थ आंदोलनाच्या पावित्र्यात आहेत. या पार्श्वभुमीवर नुकतीच निमगाव भोगी येथे पंचक्रोशीतील ग्रामस्थांची एक बैठक झाली असुन उद्या २० सप्टेंबर २०२४ रोजी पुणे-नगर महामार्गावर रास्ता रोको करण्याचा निर्णय घेण्यात आला आहे.
याच अनुषंगाने शिरुर-हवेलीचे आमदार अ‍ॅड अशोक पवार यांनी निमगाव भोगी गावातील ग्रामस्थांची भेट घेऊन कंपनीच्या प्रदूषित पाण्याने बाधित झालेल्या परिसराची पाहणी केली. तसेच ग्रामस्थांच्या पाठीशी ठामपणे उभे राहणार असल्याचेही सांगितले.
यावेळी राष्ट्रवादी काँग्रेस शरदचंद्र पवार पक्षाचे शिरुर-आंबेगावचे अध्यक्ष काँग्रेसचे शेखर पाचुंदकर, शिरुर-आंबेगाव काँग्रेसचे अध्यक्ष यशवंत पाचंगे, वाल्मिक कुरुंदळे, निमगाव भोगीच्या सरपंच उज्वला अंकुश इचके, लक्ष्मण सांबारे, माजी सरपंच उत्तम व्यवहारे, उज्वला कौतिक इचके, विठ्ठल पवार, संतोष शिंदे, संजय देशमुख, सागर नरवडे यांसह पदाधिकारी व ग्रामस्थ मोठ्या संख्येने उपस्थित होते.
MEPL च्या विरोधात अनेकवेळा आंदोलन..
.रांजणगाव औद्योगिक वसाहतीत महाराष्ट्र एन्व्हायरो पावर लिमिटेड (MEPL) कंपनी २००८ साली सुरु झाली. त्यानंतर अनेक सामाजिक कार्यकर्त्यांनी या कंपनीमुळे पाणी प्रदुषन होत असल्याबाबत आंदोलने केली. परंतु कंपनी प्रशासनाने कोणालाही जुमानले नाही. त्यानंतर माजी खासदार शिवाजीराव आढळराव पाटील यांनीही निमगाव भोगी येथील ग्रामस्थांसोबत कंपनी परिसरात पाहणी करत MEPL कंपनीला अतिरिक्त जमीन देऊ नये अशी मागणीही केली होती. परंतु त्यानंतरही परिस्थिती ‘जैसे थे’ च आहे.
खासदार कोल्हे यांनी उठवला लोकसभेत आवाज…
शिरुर लोकसभा मतदार संघांचे खासदार डॉ अमोल कोल्हे यांनी काही दिवसांपुर्वी रांजणगाव औद्योगिक वसाहत नॉन केमिकल झोन असुन महाराष्ट्र एन्व्हायरो पावर लिमिटेड (MEPL) कडुन सोडल्या जाणाऱ्या केमिकलमिश्रीत पाण्यामुळे होणारे प्रदुषण गंभीर असून अण्णापूर, निमगाव भोगी, ढोकसांगवी, कर्डेलवाडी, सरदवाडी आदी गावातील विहीरी व तलावांचे पाणी प्रदूषित झाले आहे. त्याचबरोबर शेतजमिनी नापीक होत असल्याबाबत खासदार डॉ कोल्हे यांनी प्रदुषणामुळे ज्या गावांचे नुकसान झाले आहे, त्या गावातील जलस्रोत व मृदा सुधारणेसाठी तातडीने पावलं उचवावीत अशी मागणी लोकसभेत केली होती.
डॉ कोल्हे नंतर विरोधी पक्षाचे पुढारी ऍक्शनमोड मध्ये…
खासदार डॉ अमोल कोल्हे यांनी लोकसभेत MEPL च्या विरोधात आवाज उठवल्यानंतर विरोधी पक्षातील काही राजकीय पुढारी जागे झाले. त्यानंतर त्यांनी एकत्र बैठका घेतल्या आणि उद्या (दि २०) रोजी MEPL च्या विरोधात आक्रमक भुमिका घेत पुणे-नगर महामार्ग रोखण्याचा इशारा दिला. परंतु खासदार कोल्हे यांनी MEPL च्या विरोधात भुमिका घेण्याच्या आधी या राजकीय पुढाऱ्यांनी कंपनीच्या विरोधात भुमिका का घेतली नाही असा प्रश्न सर्वसामान्य लोक विचारत असुन जर MEPL कंपनी बंद पडली. तर खासदार कोल्हे यांना श्रेय जाऊ नये. यासाठी विरोधी पक्षाच्या स्थानिक पुढाऱ्यांनी आंदोलनाचा पवित्रा घेतला असल्याचीही सगळीकडे दबक्या आवाजात चर्चा सुरु आहे.
रांजणगाव येथील जल प्रदुषण करणाऱ्या MEPL कंपनीवर बंदी आणा खासदार डॉ अमोल कोल्हे यांची लोकसभेत मागणी
रांजणगाव MIDC तील MEPL कंपनीच्या दूषित पाण्याबाबत ग्रामस्थांची उद्योगमंत्र्याकडे धाव
अनेक वेळा रक्ताच्या कमतरतेमुळे थकवा येणे, अशक्तपणा, त्वचा पिवळी पडणे, हात-पाय सुजणे इत्यादी एनिमियाचे लक्षण…
फळं खाण्यापेक्षा फळांचा रस पिणं हे जास्त आरोग्यदायी आहे. फळांचा रस घेतल्यानं वजन कमी होतं.…
शीतपित्ताच्या त्रासात अंगावर खाज सुटते व त्वचेवर पित्ताच्या लालसर गांधी व पुरळ उठतात. त्या पित्ताच्या…
‘वोट बचाओ, देश बचाओ’ महारॅलीचा भाजपाने घेतला धसका; मोदी-शाहांच्या सत्तेला हादरे बसत असल्याचा काँग्रेस प्रदेशाध्यक्षांचा…
सुनेत्रा पवारांना डावलल्याच्या बातम्या फेटाळल्या! मुंबई: राष्ट्रवादी काँग्रेस पक्षातील अंतर्गत मतभेद आणि नेतृत्वातील समन्वयाच्या चर्चांना…
मुंबई : विद्यार्थ्यांना दर्जेदार शैक्षणिक सुविधा आणि सुरक्षित निवासव्यवस्था उपलब्ध करून देण्यासाठी महाविद्यालयातील विकासकामांना गती…