शिंदोडी (तेजस फडके) शिंदोडी (ता.शिरुर) येथे 11 के व्ही ए विद्युत तार अचानक तुटून ऊसाच्या शेतात पडल्यामुळे विजेचा धक्का बसल्याने अक्षय धुळा हाके (वय 27) या तरुणाचा दुर्दैवी मृत्यू झाला. हा तरुण आज (दि 14) रोजी दुपारी 12 च्या आसपास हि घटना घडली. हा तरुण ऊसाच्या शेतात पाणी धरत असताना ऊसाच्या शेतात पडलेली विजेची तार न दिसल्यामुळे त्याचा दुर्दैवी मृत्यू झाला.
याबाबत मिळालेल्या खात्रीलायक माहितीनुसार अक्षय ऊर्फ बाळू हाके हा घराच्या जवळच असलेल्या ऊसाच्या शेतात पाणी धरत होता. त्याच्या शेताजवळच महावितरणची 11 के व्ही ए क्षमतेची विद्युत वाहिनी गेली होती. दुपारी अचानक विजेच्या खांबावरील एक तार तुटली आणि ऊसाच्या शेतात पडली. अक्षय तिथेच ऊसाला पाणी देत असल्यामुळे या विजवाहक तारेचा धक्का बसल्यामुळे त्याचा मृत्यू झाला.
शिंदोडी ग्रामस्थ हळहळले…
अक्षय हा शांत, सुस्वभावी अन मनमिळावु मुलगा होता. त्याला क्रिकेटची आवड होती. त्यामुळे शिंदोडीसह आसपासच्या गावात अक्षयचा मोठा मित्र परिवार होता. अक्षयच्या अकाली निधनाने शिंदोडी गावासह आसपासच्या गावातही शोक व्यक्त केला जात आहे. अक्षयच्या निधनानंतर त्याच्या क्रिकेटच्या खेळाचे व्हिडीओ स्टेटला ठेवत अनेकांनी त्याला श्रद्धांजली वाहिली.
हाके कुटुंबावर दुःखाचा डोंगर…
अक्षय चे वडील धुळा हाके यांचाही अगदी तरुण वयात मृत्यू झाला होता. त्यानंतर खडतर परिस्थितही अक्षयच्या आईने अक्षय आणि त्याच्या मोठया भावाचा सांभाळ केला होता. परंतु अक्षयचा असा अकाली मृत्यू झाल्यामुळे हाके कुटुंबावर दुःखाचा डोंगर कोसळला आहे. अक्षयच्या पाठीमागे आई, भाऊ, चुलते, चुलतभाऊ असा मोठा परिवार आहे.
विजेचे जुने खांब बदलण्याची मागणी…
स्थानिक नागरिकांनी दिलेल्या माहितीनुसार 11 के व्ही ए च्या विद्युत वाहिनीचे काम हे अंदाजे 1975-76 साली झालेले असुन त्यातील विजवाहक तारा जीर्ण झालेल्या आहेत. त्यामुळे तार तुटली अन अक्षयचा दुर्दैवी मृत्यू झाला. त्यामुळे त्या विजवाहक तारा अन खांब बदलण्यात यावे अशी मागणी स्थानिक ग्रामस्थांनी केली आहे.
पाबळ (सुनील जिते) : शिरूर तालुक्यातील कान्हूर मेसाई परिसरातील गारकोलवाडी हे गाव अत्यंत दुष्काळी व…
शिरुर (तेजस फडके) शिरुर तालुक्यातील मांडवगण फराटा येथे क्रिकेट स्पर्धेदरम्यान झालेल्या फायरींग प्रकरणातील दोन मुख्य…
संवेदनशीलता आणि मानवतेचे दर्शन घडवणारी घटना जेजुरी: जेजुरी येथे दर्शनासाठी आलेली तीन वर्षांची चिमुकली हरवल्याने काही…
शिक्रापूर (ओमकार भोरडे): पारोडी हद्दीतील एनएच-५४८ महामार्गालगत उभारण्यात आलेला जिओ कंपनीचा मोबाईल टॉवर वारंवार बंद…
नवनियुक्त पोलीस निरीक्षक चंद्रशेखर यादव यांची प्रत्यक्ष बाजारात भेट; साध्या वेशातील पथके तैनात होणार शिक्रापूर…
शिरूर (अरुणकुमार मोटे): महाराष्ट्र राज्य पत्रकार महासंघाच्या शिरूर तालुका कार्यकारिणीची बैठक नुकतीच शिरूर येथे उत्साहात…