मुख्य बातम्या

डिंग्रजवाडीत भक्तिमय वातावरणात नागपंचमी साजरी; झोक्याची परंपरा मात्र हरवली

कोरेगाव भीमा: शिरूर तालुक्यातील डिंग्रजवाडी येथे नागपंचमीचा सण पारंपरिक आणि भक्तिमय वातावरणात साजरा करण्यात आला. गावातील सुवासिनी व महिलांनी एकत्र येत वारुळाचे विधिवत पूजन केले. नागदेवतेला लाह्या व दूध अर्पण करून धार्मिक परंपरेनुसार पूजा-अर्चा करण्यात आली.

नागपंचमीच्या निमित्ताने सकाळपासूनच महिलांनी वारुळाजवळ गर्दी केली होती. वारुळाला हळद-कुंकू, फुले अर्पण करून पूजन करण्यात आले. त्यानंतर लाह्या व दूध वाहून नागदेवतेचे स्मरण करण्यात आले. कुटुंबाच्या सुख-समृद्धीसह शेतकरी आणि शेतीच्या भरभराटीसाठी महिलांनी प्रार्थना केली.

महिलांनी सामूहिकपणे नागपंचमी साजरी केल्याने परिसरात भक्तिमय वातावरण निर्माण झाले होते. ग्रामीण भागातील पारंपरिक सण-उत्सवांच्या माध्यमातून जुन्या रूढी-परंपरा जपण्याचे काम आजही सुरू असल्याचे यावेळी दिसून आले.

या पूजनासाठी डिंग्रजवाडीच्या उपसरपंच संगीता गव्हाणे, लक्षदीप चॅरिटेबल ट्रस्टच्या सचिव दिपाली गव्हाणे, तसेच सुवर्णा गव्हाणे, पूजा गव्हाणे, निकिता गव्हाणे, अक्षदा गव्हाणे, संस्कृती गव्हाणे यांच्यासह गावातील महिला मोठ्या संख्येने उपस्थित होत्या.

नागपंचमीच्या झोक्याची परंपरा हरवली!

एकेकाळी नागपंचमी म्हटले की गावागावांत झाडांच्या फांद्यांना बांधलेले मोठमोठे झोके, झोके खेळणाऱ्या महिला-मुली आणि पारंपरिक गाण्यांनी भारलेले वातावरण असे चित्र पाहायला मिळत होते. मात्र, बदलत्या जीवनशैलीमुळे नागपंचमीतील झोक्याची ही पारंपरिक प्रथा हळूहळू लोप पावत आहे.

मोबाईल, सोशल मीडिया आणि मनोरंजनाच्या बदलत्या साधनांमुळे ग्रामीण भागातील सणांचा पूर्वीचा सामूहिक उत्साह कमी होताना दिसत आहे. त्यामुळे जुन्या परंपरा आणि सांस्कृतिक वारसा पुढील पिढीपर्यंत पोहोचविण्यासाठी सणांच्या माध्यमातून पारंपरिक खेळ, झोके आणि लोकपरंपरा जपण्याची गरज व्यक्त होत आहे.

शिरूर तालुका टीम

Recent Posts

दररोज सकाळी हळदी शॉट्स प्या, रोगप्रतिकारकशक्तीसह मेंदूचे आरोग्य होईल निरोगी

निरोगी आरोग्यासाठी तुमच्या आहारामध्ये पोषक तत्वांचा समावेश करणे गरजेचे असते. तुमच्या आहारामध्ये फायबर, हेल्दी फॅट्स,…

2 तास ago

दुष्काळग्रस्त शेतकऱ्यांसाठी राष्ट्रवादीच्या आमदारांचे एक महिन्याचे वेतन मुख्यमंत्री सहायता निधीत!

सुनेत्रा अजित पवार यांच्या पुढाकारातून आमदारांचा स्तुत्य निर्णय; मुख्यमंत्री देवेंद्र फडणवीस यांच्याकडे वेतनाचे धनादेश सुपूर्द…

2 तास ago

गोकुळच्या कारभारात दूध उत्पादकांचे हित केंद्रस्थानी ठेवा; उपमुख्यमंत्री सुनेत्रा पवार यांचे नवनिर्वाचित चेअरमन राजेश पाटील यांना आवाहन

मुंबई : राज्यभर चर्चेत असलेल्या कोल्हापूर जिल्हा सहकारी दूध उत्पादक संघ अर्थात गोकुळच्या नवनिर्वाचित संचालक…

2 तास ago

नेहरू जयंतीनिमित्त काँग्रेसच्या कविता स्पर्धेला उत्स्फूर्त प्रतिसाद; रामबंधु अढांगळे प्रथम क्रमांकाचे मानकरी

मुंबई: स्वतंत्र भारताचे पहिले पंतप्रधान पंडित जवाहरलाल नेहरू यांच्या जयंतीनिमित्त आणि दीपावलीच्या मंगल पर्वाचे औचित्य…

17 तास ago

महाराष्ट्रातील ११ अभ्यासक्रमांसाठी दोन वेळा सीईटीची संधी

जानेवारीपासून परीक्षांना सुरुवात; पीजीडीएम, पीजीसीएम आणि जीएनएमसाठी प्रथमच सीईटी मुंबई: महाराष्ट्र राज्य सामाईक प्रवेश परीक्षा…

17 तास ago

दुष्काळात एकही पात्र कुटुंब रोजगारापासून वंचित राहू नये; भरत गोगावले यांचे निर्देश

रोहयो आणि ‘व्हीबी जी राम जी’च्या कामांना गती द्या; जलसंधारण, चारा उपलब्धता आणि प्रलंबित देयकांवर…

17 तास ago