न्हावरे (तेजस फडके) शिरुर-चौफुला रस्त्यावर आंधळगाव फाटा येथे दुचाकी आणि पिकअप यांच्यात समोरासमोर भीषण अपघात होऊन एका युवकाचा मृत्यू झाला असुन दुसरा गंभीर जखमी झाला आहे. या अपघात प्रकरणी पिकअप चालक दत्तात्रय रामचंद्र कदम (रा. रामलिंग, ता. शिरुर, जि. पुणे) याच्याविरुद्ध शिरूर पोलिसांनी गुन्हा दाखल केला आहे.
याबाबत शिरुर पोलिस स्टेशन येथे विकास रोहीदास मदने (वय ३६, रा. नागरगाव, ता. शिरुर, जि. पुणे) यांनी फिर्याद दिली असुन त्यांचा भाऊ संदीप मदने आणि त्यांचा सहकारी विक्रम महादेव सकट (वय ३२) रा. आंधळगाव याला दुचाकीवरुन (एम एच १२ एन एस २७९६) घेऊन आंधळगाव फाट्यावरून चौफुला-शिरुर रस्त्याने कामासाठी निघाले होते. यावेळी समोरुन भरधाव आलेली पिकअप क्रं (एम एच १२ एस एक्स ४८३५) चालक दत्तात्रय कदम याने निष्काळजीपणे गाडी चालवत त्यांच्या मोटारसायकलला जोरदार धडक दिली.
या अपघातात संदीप मदने यांना किरकोळ दुखापत झाली, मात्र विक्रम सकट गंभीर जखमी झाले. दोघांनाही तातडीने रुग्णालयात दाखल करण्यात आले असता उपचारादरम्यान संदीप मदने यांचा मृत्यू झाला. अपघातात मोटारसायकलचेही मोठे नुकसान झाले आहे.
या प्रकरणी पिकअप चालक दत्तात्रय रामचंद्र कदम याच्याविरुद्ध मोटार वाहन कायद्यान्वये गुन्हा दाखल करण्यात आला आहे. या प्रकरणाचा पुढील अधिक तपास पोलीस उपनिरीक्षक कदम हे करत आहेत.
शिरूर तालुक्यात सरपंच आरक्षण सोडत: कुठे जल्लोष, कुठे निराशा!
शिरुर; आंतरजिल्हा दरोडेखोर टोळीचा पर्दाफाश : म्होरक्यासह दोघांना अटक, ६ गुन्हे उघड
शिरूरमध्ये ऑनलाईन सायबर फसवणुकीचा धक्कादायक प्रकार
मुंबई: 27 एप्रिल २०२६, मुंबई महानगरपालिकेचे अतिरिक्त आयुक्त श्री.अभिजीत बांगर यांना ‘खड्डेमुक्ती’ अभियानातील गंभीर अनियमितता…
जवस हे एक गळिताचे धान्य आहे. यालाच मराठीत अळशी, गुजराथीत अलसी, हिंदीत अलसी किंवा तिसी,…
छातीत दुखणे हे एक चिंताजनक लक्षण असू शकते, ज्यामुळे त्वरित लक्ष देणे आणि मूल्यांकन करणे…
मुंबई: महाराष्ट्र शासनाने पद्म पुरस्कारांसाठी स्थापन केलेल्या समितीत सांस्कृतिक मंत्र्यांना स्थान न दिल्याने राजकीय वर्तुळात…
पुणे: महापालिकेच्या स्थायी समितीने महिलांच्या नावावर असलेल्या ५०० चौरस फुटांपर्यंतच्या घरांना मिळकतकरात ५० टक्के सवलत…
पुणे: शहरात निष्काळजीपणा आणि बेफिकीर वाहनचालकांमुळे दोन गंभीर दुर्घटना घडल्या असून, यात एका चिमुकल्या मुलीचा…