रांजणगाव गणपती (तेजस फडके): रांजणगाव MIDC तील कंपनीतून गुरुवार (दि 17) रोजी रात्री 11:30 च्या सुमारास कंपनीतून कामावरून सुटून पायी चाललेल्या कामगाराला विना नंबर असलेल्या दोन दुचाकी वरुन पाच जणांनी फायटरचा धाक दाखवत त्याच्याजवळील मोबाईल चोरुन मारहाण केली होती. त्यानंतर या युवकाने पोलिस ठाण्यात धाव घेत गुन्हा दाखल केला.
त्यानंतर रांजणगाव MIDC पोलिस ठाण्याचे कर्मचारी रात्रीच्या वेळी गस्तीला असताना पोलिसांना औद्योगिक वसाहतीत पाच जण संशयितरीत्या फिरत असल्याचे दिसले. पोलिसांनी त्यांच्याकडे अधिक चौकशी केली असता त्यांनी आधी उडवाउडवीची उत्तरे दिली. परंतु पोलिसी खाक्या दाखवताच त्यांनीच त्या कामगाराचा मोबाईल चोरल्याची कबुली दिली. पोलिसांनी त्यांच्याकडुन चोरलेला मोबाईल आणि दोन विना नंबर असलेल्या दुचाकी जप्त केल्या आहेत.
याबाबत 1) देवानंद विलास धवसे (वय 21) सध्या रा. कवठे येमाई, ता. शिरुर, जि. पुणे मूळ रा. सावळी बहिणाराव, ता. औंढानागनाथ, जि. हिंगोली, 2) शुभम बाळासाहेब कुंभार (वय 23), 3) अभिजित संतोष कांदळकर (वय 19) दोघेही रा. कवठे येमाई ता. शिरुर, जि. पुणे या तिघांना अटक करुन शुक्रवार (दि 18) रोजी शिरुर न्यायालयात हजर केले असता त्यांना रविवार (दि 20) पर्यंत पोलिस कोठडी सुनावण्यात आली आहे.
सदरची कामगिरी पुणे ग्रामीणचे पोलिस अधिक्षक अंकित गोयल, पुण्याचे अप्पर पोलिस अधिक्षक मितेश गट्टे, शिरुरचे उपविभागीय पोलिस अधिकारी यशवंत गवारी यांच्या मार्गदर्शनाखाली पोलिस निरीक्षक बलवंत मांडगे, पोलिस हवालदार विलास आंबेकर, विजय सरजिने, पोलिस नाईक पांडुरंग साबळे, राजेश ढगे, पोलिस कॉन्स्टेबल सुरज वळेकर, शुभम मुत्याळ यांनी केली असुन या घटनेचा पुढील तपास पोलिस निरीक्षक बलवंत मांडगे हे करत आहेत.
शिरुर (तेजस फडके) शिरुर तालुक्याच्या पुर्व भागातील गुनाट गावात सामाईक वापरातील इलेक्ट्रिक मोटारच्या वादातून सख्ख्या…
शिरुर (तेजस फडके) शिरुर तालुक्यातील न्हावरे-निर्वी अष्टविनायक महामार्गावर झालेल्या भीषण कार अपघातात एका महिलेचा मृत्यू…
चणे हा प्रथिनांचा समृद्ध स्रोत आहे. रोज भाजलेले हरभऱ्याचे सेवन केल्यास शरीराला अनेक आरोग्य समस्यांपासून…
सकाळी टॉयलेटला जाऊन पोट साफ करणं ही एक नॅचरल प्रोसेस आहे. शरीर निरोगी ठेवण्यासाठी ही…
मुंबई: पावसाळ्यात मुंबई आणि महानगर परिसरात शून्य जिवितहानी हे उद्दिष्ट ठेवून सर्व यंत्रणांनी समन्वयाने काम…
शिक्षण सहसंचालक हरून आतार यांचे प्रेरणादायी मार्गदर्शन पाबळ (सुनिल जिते): नवशैक्षणिक वर्षाच्या प्रारंभी कान्हूर मेसाई…