शिरुर (तेजस फडके) शिरुर ते न्हावरे रोडवरील ‘न्यू सागर रेस्टॉरंट अ‍ॅण्ड बार’मध्ये झालेल्या घरफोडी प्रकरणातील गुन्हा स्थानिक गुन्हे शाखा, पुणे (ग्रामीण) यांनी उघडकीस आणत सराईत चोरट्यांच्या टोळीतील तीन सदस्यांपैकी दोन जणांना अटक केली आहे. त्यांच्या ताब्यातून गुन्ह्यात वापरण्यात आलेली पांढऱ्या रंगाची इनोव्हा कार एम एच ४३ एल १६०० जप्त करण्यात आली आहे.
शिरुर पोलीस स्टेशन येथे दि २७ जुलै २०२५ रोजी रात्री अज्ञात आरोपींनी शटरचे कुलूप तोडून रेस्टॉरंटमधून बिअरचे बॉक्स आणि विदेशी दारुच्या बाटल्या असा एकूण ६१ हजार ८२० रुपयांचा मुद्देमाल चोरुन नेला होता. याबाबत कुमार दिलीप जाधव (वय २३, रा. करडे, ता. शिरुर) यांनी शिरुर पोलिस ठाण्यात तक्रार दाखल केली होती.
या तपासादरम्यान गुन्ह्याचा सखोल छडा लावताना सीसीटीव्ही फुटेजच्या आधारे पोलिसांना एक पांढऱ्या रंगाची इनोव्हा कार संशयित आढळली. या अनुषंगाने तपास पथकाने गोपनीय माहितीच्या आधारे कामशेत परिसरातून दोन आरोपींना अटक केली
ताजुद्दीन दस्तगीर शेख (वय २५, रा. टाकळवांडे, ता. फलटण, जि. सातारा) गारेखनाथ ऊर्फ काळूराम काहू जाधव (वय ३४, रा. बोरखेडी, ता. शेणगाव, जि. हिंगोली) या दोघांनी चौकशीत गुन्ह्याची कबुली दिली असून, त्यांच्या सांगण्यानुसार सुनील दत्तू राउत (रा. राउतवाडी, कामशेत) हा देखील त्यांच्या सोबत होता. त्याचा शोध सुरु आहे.
या दोन आरोपींना अटक करुन शिरुर पोलीस स्टेशनच्या ताब्यात देण्यात आले असून शिरुर न्यायालयाने त्यांना ८ ऑगस्ट २०२५ पर्यंत पोलीस कोठडी सुनावली आहे. आरोपींवर यापुर्वीही रांजणगाव एमआयडीसी व सुपा पोलीस ठाण्यात घरफोडीचे गुन्हे दाखल आहेत.
हि कारवाई पुणे ग्रामीणचे पोलीस अधीक्षक संदीप सिंह गिल्ल, अपर पोलिस अधीक्षक रमेश चोपडे, उपविभागीय पोलीस अधिकारी प्रशांत ढोले यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, शिरुरचे पोलिस निरीक्षक संदेश केंजळे, तसेच अंमलदार तुषार पंदारे, जनार्दन शेळके, संजू जाधव, राजू मोमीन आणि सागर धुमाळ यांनी महत्वाची भूमिका बजावली आहे.
DYSP ऑफिस जवळच हाकेच्या अंतरावर चाललाय वेश्या व्यवसाय ; प्रशासनाचे दुर्लक्ष…?
शिक्रापुर पोलिस स्टेशन हद्दीतील जुगारांचे अड्डे बंद करण्याची मागणी
शिक्रापुर मध्ये अल्पवयीन विद्यार्थ्याला चार जणांकडुन बेदम मारहाण
शिक्रापुर येथे फिल्मी स्टाईलने पाठलाग करत लिफ्टमध्ये जाणाऱ्या महिलेला लुटले
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…