शिरूर मध्ये ‘तुतारी’चा दणदणाट! कुमार नाणेकर यांच्या प्रचारात उसळला जनसागर; तरुणाई रस्त्यावर…

रांजणगाव गणपती (तेजस फडके) : कारेगाव-कान्हूर मेसाई पंचायत समिती गटात राष्ट्रवादी काँग्रेस (शरद पवार गट)च्या तुतारी चिन्हावर निवडणूक लढवणाऱ्या उमेदवार अक्षय (कुमार) महाराज नाणेकर यांच्या प्रचार शुभारंभाने संपुर्ण रांजणगाव गणपती परिसर अक्षरशः ढवळून निघाला. पहिल्याच दिवशी उमेदवाराच्या प्रचारात जनसागर उसळला आणि तरुणाईने रस्त्यावर उतरुन ताकद दाखवून दिली. पंचायत समिती गटातील प्रत्येक गावातून नागरिक मोठ्या संख्येने सहभागी झाले होते.

सर्वसामान्य कुटुंबातून पुढे आलेल्या कुमार नाणेकर यांच्या पाठीशी उभे राहिलेले युवक-युवती हे या प्रचाराचे प्रमुख बळ ठरले आहे. विशेष म्हणजे या जनसागरात केवळ तरुणच नव्हे, तर ज्येष्ठ नागरिक, आजोबा, निवृत्त पोलीस व लष्करी अधिकारी, व्यापारी, शेतकरी अशा समाजातील प्रत्येक घटकाचा ठळक सहभाग दिसून येत आहे. दुचाकी आणि चारचाकी वाहनांच्या भव्य रॅलीने परिसर दणाणून सोडला. घोषणाबाजी, गजर, तुतारी चिन्हाचे झेंडे यामुळे प्रचार शुभारंभाला राजकीय जत्रेचे स्वरुप प्राप्त झाले होते. “तुतारीचा आवाज आता थांबणार नाही,” असा स्पष्ट संदेश या शक्तिप्रदर्शनातुन देण्यात आला.

प्रसारमाध्यमांशी बोलताना कुमार नाणेकर यांनी आत्मविश्वासाने सांगितले की, “या गटाने विधानसभेला मोठे लीड दिले आहे. जनतेचा कौल आधीच आमच्या बाजुने आहे. त्यामुळे मला कोणतीही अडचण येणार नाही.” दरम्यान, कार्यकर्त्यांना धमक्या व अडवणुकीचे प्रकार सुरु असल्याचा गंभीर आरोप करत त्यांनी विरोधकांना खणखणीत इशारा दिला.

पुढे बोलताना नाणेकर म्हणाले, “किती दिवस आमच्या कार्यकर्त्यांना आडवणार…? अशा दबावाच्या राजकारणामुळे माझ्याविषयीची सहानुभूती आणखी वाढणार आहे,” असे ठाम मत त्यांनी व्यक्त केले. या गटात राष्ट्रवादी काँग्रेसच्या दोन्ही गटांमध्ये थेट आमने-सामने लढत, तर भाजपही मैदानात उतरल्याने निवडणुक अधिकच चुरशीची बनली आहे. तीनही बाजूंकडून जोरदार शक्तिप्रदर्शन सुरु असून, ही लढत शिरुर तालुक्यातील सर्वाधिक लक्षवेधी व निर्णायक ठरणार, हे आता स्पष्ट होत आहे.

कारेगाव-कान्हूर मेसाई पंचायत समिती गटात राष्ट्रवादी काँग्रेस (शरद पवार गट) च्या तुतारी कुमार नाणेकरांच्या या प्रचार शुभारंभाने राजकीय समीकरणे बदलण्याची चिन्हे असून, येणाऱ्या काही दिवसांत पंचायत समिती निवडणुकीचे वातावरण गरम झाले आहे. त्यामुळे विरोधकांनी याचा धसका घेतला आहे.

जिल्हा परिषद निवडणुकांसाठी काँग्रेसच्या ४० स्टार प्रचारकांची यादी जाहीर

शिरुर ग्रामीण-न्हावरे गटात उमेदवारीचा ‘सस्पेन्स’ कायम; राष्ट्रवादीच्या तृप्ती सरोदे मात्र ‘प्रचारात’ आघाडीवर

ज्योती मानसिंग पाचुंदकर यांना प्रचारात पतीची खंबीर साथ!

रांजणगाव–कारेगाव जिल्हा परिषद गटात भाजपचे शक्तीप्रदर्शन; हजारोंच्या उपस्थितीत उमेदवारी अर्ज दाखल

शिरूर! जिल्हा परिषद गट टाकळी हाजीत कोणता पक्ष ठरणार श्रेष्ठ …