रांजणगाव गणपती (तेजस फडके) रांजणगाव MIDC पोलिस स्टेशनचे सर्व कर्मचारी चांगले असुन त्यांचं टिमवर्क चांगल आहे. मी आजपर्यंत अनेक पोलिस स्टेशनला पोलिस निरीक्षक म्हणुन काम केल. परंतु रांजणगाव MIDC पोलिस स्टेशनची टिम ही आत्तापर्यंतची सर्वोत्तम टिम होती. त्यांच्यासोबत काम करताना अनेक गुन्हे उघडकीस आणता आले. तसेच पोलिस स्टेशनला अनेक पुरस्कार मिळाले. हे यश सर्वांचंच आहे असे मत रांजणगाव MIDC पोलिस स्टेशनचे पोलिस निरीक्षक महेश ढवाण यांनी व्यक्त केले.
लोकसभा निवडणुकीच्या पार्श्वभुमीवर पोलिस निरीक्षक महेश ढवाण यांची सोलापुर ग्रामीण इथं बदली झाली. रांजणगाव MIDC पोलिस स्टेशनच्या कर्मचाऱ्यांच्या वतीने त्यांचा निरोप समारंभ करण्यात आला. यावेळी कर्मचाऱ्यांच्या वतीने महेश ढवाण यांचा सन्मान करण्यात आला. तसेच अनेक पोलिस कर्मचाऱ्यांनी महेश ढवाण यांच्यासोबत काम करण्याचा अनुभव सांगितला. यावेळेस कर्मचाऱ्यांसह, पोलिस निरीक्षक ढवाण यांच्यासह उपस्थितांचेही डोळे पाणावले.
यावेळी पोलिस हवालदार माणिक काळकुटे, पांडुरंग साबळे ब्रम्हा पोवार, विलास आंबेकर, माऊली शिंदे, सहायक फौजदार दत्तात्रय शिंदे, पोलिस उपनिरीक्षक सुहास रोकडे, निळकंठ तिडके, शिवाजी मुंढे, महिला पोलिस उपनिरीक्षक कविता काळे, कारेगावचे माजी उपसरपंच संदीप नवले यांनी भावना व्यक्त करत पोलिस निरीक्षक महेश ढवाण यांना पुढील वाटचालीस शुभेच्छा दिल्या.
