शिरुर (तेजस फडके) रांजणगाव-कारेगाव जिल्हा परिषद गटातील भाविकांसाठी माजी जिल्हा परिषद सदस्य स्वाती पाचुंदकर तसेच शेखर पाचुंदकर यांच्या नेतृत्वाखाली श्री महाकालेश्वर उज्जैन दर्शनासाठी निघालेल्या बसवर श्रीगोंदा तालुक्यातील गव्हाणवाडी येथे अज्ञातांकडुन दगडफेक करण्यात आली. या बसमध्ये महिला आणि लहान मुलेही प्रवास करत होते. या घटनेमुळे भाविकांकडुन संताप व्यक्त केला जात आहे.
श्री महाकालेश्वर उज्जैन यात्रेवर झालेल्या या हल्ल्याने भाविकांच्या धार्मिक भावना दुखावल्या आहेत. तसेच ‘अजुन स्थानिक स्वराज्य संस्थेच्या निवडणुकीचा ढोल वाजलेला नाही. तरीही विरोधक एवढे घाबरले आहेत की देवाच्या यात्रेला जाणाऱ्या भाविकांवरती भ्याड हल्ले करुन त्यांना अडवू पाहत आहेत’ अशी टिकाही भाविकांनी केली आहे.
अचानक झालेल्या या हल्ल्यामुळे बसमधील भाविकांमध्ये प्रचंड घबराट पसरली. सुदैवाने जीवितहानी टळली. मात्र बसचे मोठे आर्थिक नुकसान झाले आहे. या घटनेनंतर परिसरात एकच खळबळ उडाली असुन, पोलिसांनी तत्काळ घटनास्थळी धाव घेत चौकशी सुरु केली आहे. दगडफेक नेमकी कोणी आणि कोणत्या हेतूने केली, हे अद्याप स्पष्ट झालेले नाही. या घटनेनंतर दगडफेक करणाऱ्यांचा शोध घेण्यात येत आहे. तसेच सुपा (ता. पारनेर) पोलिस स्टेशन येथे अज्ञात व्यक्तीविरोधात गुन्हा दाखल करण्याचे काम सुरु आहे.
शिरुरच्या नेमबाजांचा राज्यस्तरावर डंका समृद्धीला रौप्य तर श्रावणीला कांस्यपदक
रांजणगाव पोलिस स्टेशनतर्फे सरदार वल्लभभाई पटेल जयंतीनिमित्त एकता दौड
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…
महायुती सरकारवर काँग्रेस प्रदेशाध्यक्षांचा जोरदार हल्लाबोल; ‘गोकुळ’वर कब्जा करण्याचा सरकारचा डाव असल्याचा आरोप मुंबई: राज्यातील…
मुंबई: महाराष्ट्राच्या सार्वजनिक आरोग्य विभागाच्या इतिहासात आज ऐतिहासिक नोंद झाली आहे. एकाच वेळी तब्बल १,४४० नवनियुक्त…
१३ दिवसांच्या आंदोलनानंतर दाखल गुन्ह्यांत न्यायालयीन दिलासा; अतिरिक्त सत्र न्यायालयाकडून अंतरिम जामीन कायम शिरूर: पुणे-अहिल्यानगर राष्ट्रीय…