ranjangaon-midc-police station
शिरूर (तेजस फडके) : रांजणगाव एमआयडीसी परिसरातील एका नामांकित औषध निर्मिती कंपनीच्या वरिष्ठ अधिकाऱ्यांना कंपनी विरोधातील कथित गैरप्रकारांची माहिती उघड करण्याची धमकी देत तब्बल २५ लाख रुपयांची खंडणी मागितल्याचा धक्कादायक प्रकार समोर आला आहे. या प्रकरणी विजय अनिरुध्द साबळे, रा. फ्लॅट नं. १०९, मैत्री गोल्ड सोसा., शिक्रापुर, ता. शिरुर, जि. पुणे. मुळ रा. आंभोळ, जांभुळदरा, ता. अकोले, जि. आहिल्यानगर) यांच्या फिर्यादीवरुन अ‍ॅड. मयुर देवराम नरवडे याच्याविरुद्ध रांजणगाव एमआयडीसी पोलीस ठाण्यात गुन्हा दाखल करण्यात आला आहे.
रांजणगाव पोलिसांनी दिलेल्या माहितीनुसार, रांजणगाव एमआयडीसी येथील मुरली कृष्णा फार्मा प्रायव्हेट लिमिटेड या औषध निर्मिती कंपनीच्या विविध ई-मेल आयडींवर १ आणि २ जून रोजी काही गंभीर आरोप करणारे ई-मेल पाठविण्यात आले होते. कंपनीची औषधे निकृष्ट दर्जाची असल्याचा, कोल्ड स्टोरेज आणि प्रोसेसिंग विभागात तापमानाचे निकष पाळले जात नसल्याचा, कागदपत्रांमध्ये फेरफार झाल्याचा तसेच गुणवत्ता नियंत्रण प्रक्रियेत अनियमितता असल्याचा दावा त्या ई-मेलमध्ये करण्यात आला होता. यामुळे सार्वजनिक आरोग्य धोक्यात येऊ शकते, असेही नमूद करण्यात आले होते.
सदर ई-मेल पाठविणाऱ्या व्यक्तीची ओळख पटविण्यासाठी कंपनीचे डेप्युटी जनरल मॅनेजर (HR) विजय साबळे यांनी संपर्क साधला असता संबंधित व्यक्तीने स्वतःची ओळख मयुर नरवडे अशी करुन दिली. त्यानंतर गणेगाव रोडवरील कार्यालयात झालेल्या भेटीत कंपनीच्या कथित गैरप्रकारांबाबत पुरावे असल्याचा दावा करत कंपनीच्या वरिष्ठ व्यवस्थापनाशी थेट चर्चा करण्याची मागणी करण्यात आली. यानंतर शिरूर येथील एका हॉटेलमध्ये झालेल्या बैठकीत खरा धक्कादायक प्रकार उघड झाल्याचा आरोप फिर्यादीत करण्यात आला आहे.
बैठकीदरम्यान कंपनीच्या वार्षिक उलाढालीच्या पाच टक्के म्हणजेच सुमारे ७.५ कोटी रुपये देण्याची मागणी करण्यात आल्याचे फिर्यादीत नमुद करण्यात आले आहे. कंपनीच्या अधिकाऱ्यांनी ती मागणी अवास्तव असल्याचे सांगितल्यानंतर तडजोडीअंती २५ लाख रुपये देण्याची अट घालण्यात आल्याचा आरोप करण्यात आला आहे. तसेच हि “रक्कम दिली नाही तर कंपनीतील कथित गैरप्रकारांचे पुरावे संबंधित शासकीय यंत्रणांकडे देऊन कारवाई घडवून आणू,” अशी धमकीही देण्यात आली. याशिवाय व्हॉट्सअप कॉलद्वारे “आता माझ्या हातातून बाण सुटला आहे” अशा शब्दांत दबाव टाकल्याचाही आरोप फिर्यादीमध्ये करण्यात आला आहे.
दरम्यान, या संपुर्ण घटनाक्रमाचे ऑडिओ आणि व्हिडिओ रेकॉर्डिंग कंपनीच्या अधिकाऱ्यांनी केल्याचा दावा करण्यात आला असून ते पुरावे पोलिसांकडे पेन ड्राइव्हद्वारे सादर करण्यात आले आहेत. या प्रकरणामुळे रांजणगाव एमआयडीसीसह (Ranjangaon MIDC) औद्योगिक क्षेत्रात मोठी खळबळ उडाली आहे. रांजणगाव MIDC पोलीसांनी फिर्याद नोंदवून तपास सुरु केला असून खंडणी, धमकी आणि संबंधित इतर कलमांनुसार पुढील कारवाई करण्यात येत आहे.
रांजणगाव MIDC मध्ये माथाडीच्या नावाखाली खंडणी घेतल्याने तीन जणांवर गुन्हे दाखल
रांजणगाव MIDC मध्ये खंडणीची मागणी करत केली मारहाण अन् पुढे…
कारेगाव येथील आठवडे बाजारात शेतकऱ्यांकडुन जबरदस्तीने पैसे वसुली; खंडणीचा गुन्हा दाखल
माथाडीच्या नावाखाली “खंडणी” वसुल करणारा खरा सूत्रधार अजुनही मोकाट…?
सिंघमगिरी; रांजणगाव MIDC पोलिसांनी सिनेस्टाईल सापळा रचत चार अपहरण झालेल्या कामगारांची केली सुटका
पाचपैकी तीन जागांवर विरोधकांचा विजय; ईव्हीएमचे समर्थन करणाऱ्या राजकीय प्रचारकांनी बॅलेट पेपरच्या निकालाचेही करावे विश्लेषण…
मुंबई: ज्येष्ठ पत्रकार आणि राजकीय विश्लेषक प्रताप आसबे यांच्या निधनाने महाराष्ट्राच्या राजकारणाचा सखोल अभ्यास असलेले ज्येष्ठ…
न्हावरे (अक्षय टेमगिरे): नागरगाव चौफुला ते शिरुर रस्त्यावर हॉटेल कुलस्वामिनीच्या जवळ अज्ञात चारचाकी वाहनाने दुचाकीला…
शिरुर (तेजस फडके) शिरुर तालुक्यातील गोलेगाव येथे विजेच्या खांबावर काम करत असताना उच्चदाब विद्युत वाहिनीचा…
शिरुर (तेजस फडके) शिरुर शहरातील जोशीवाडी परिसरात भरदिवसा घरफोडी करुन अज्ञात चोरट्याने रोख रकमेसह सोन्या-चांदीचे…
रांजणगाव गणपती (तेजस फडके) रस्त्याच्या मध्यभागी उभी केलेली दुचाकी बाजूला घेण्यास सांगितल्याच्या कारणावरुन काही गुंड…