ranjangaon-midc-police station
शिरूर (तेजस फडके): शिरूर तालुक्यातील कारेगाव येथे यश इन चौक परिसरात उघडपणे दारू पिणाऱ्यांची वर्दळ वाढल्याने नागरिकांमध्ये तीव्र नाराजी पसरली आहे. विशेष म्हणजे, या ठिकाणापासून हाकेच्या अंतरावर DYSP कार्यालय आणि रांजणगाव एमआयडीसी पोलिस स्टेशन असूनही सार्वजनिक ठिकाणी दारू पिण्याचे प्रकार सुरूच असल्याचा व्हिडिओ सोशल मीडियावर व्हायरल झाला आहे.
यश इन चौक हा सध्या तळीरामांचा अड्डा बनला आहे. दिवसभर तसेच सायंकाळच्या सुमारास अनेक जण रस्त्याच्या कडेला, चौकात किंवा सार्वजनिक ठिकाणी बसून दारू पिताना दिसतात. त्यामुळे परिसरातील महिलांना आणि नागरिकांना त्रास सहन करावा लागत आहे. काही वेळा दारूच्या नशेतून भांडणे, आरडाओरडा आणि शिवीगाळ होऊन वातावरण बिघडते. शिवाय, अनेकदा मोबाईल हिसकावण्याचे प्रकार घडले आहेत.
रांजणगाव एमआयडीसी परिसरात मोठ्या प्रमाणावर महिला कामासाठी ये-जा करतात. दारू पिणाऱ्यांच्या गर्दीमुळे महिलांमध्ये भीतीचे वातावरण निर्माण झाले आहे. “DYSP कार्यालय पोलिस स्टेशन एवढ्या जवळ असताना उघडपणे दारू पिणाऱ्यांवर कारवाई का होत नाही?” असा सवाल नागरिकांनी उपस्थित केला आहे.
दरम्यान, रांजणगाव एमआयडीसी परिसरातील काही गावांमध्ये ड्रग्ज आढळून आल्याच्या घटना समोर आल्या आहेत. मात्र, या प्रकरणातही ठोस आणि सातत्यपूर्ण कारवाई झालेली नसल्याचा आरोप होत आहे. स्थानिक नागरिक पोलिसांच्या पुढील कारवाईकडे लक्ष ठेवून असून, कायदा व सुव्यवस्था अबाधित ठेवण्यासाठी तातडीने कठोर पावले उचलण्याची मागणी केली जात आहे.
या सर्व पार्श्वभूमीवर, कारेगाव व रांजणगाव एमआयडीसी परिसरात गस्त वाढवून बेकायदेशीर दारूसेवन आणि अमली पदार्थांवर प्रभावी नियंत्रण ठेवण्याची आवश्यकता व्यक्त केली जात आहे. पोलिस प्रशासनाने याबाबत ठोस कारवाई करावी, अशी मागणी नागरिकांनी केली आहे.
रांजणगाव एमआयडीसीत केबल चोरट्यांचा पर्दाफाश; ४ जणांना अटक, तब्बल १८ लाखांचा मुद्देमाल जप्त
रांजणगाव MIDC परिसरात बेकायदेशीर दारू वाहतुकीचा पर्दाफाश; दोन तरुणांना अटक
Video : रांजणगावमध्ये नोकरीच्या आमिषाने मोठी फसवणूक; ६० तरुणांची सुटका, दोघे ताब्यात
रांजणगावात अमली पदार्थांचा मोठा साठा जप्त, २०३ किलो ‘बंटा’ गोळ्यांसह तरुण ताब्यात
रांजणगाव MIDC मधील ITC च्या चमडिया गोडाऊनमधील लाखोंची चोरी उघड; ७२ तासांत आरोपीला अटक
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…
शिरूर (तेजस फडके) : शिरुर तालुक्यात दुष्काळाच्या झळांनी शेतकरी होरपळत असताना घोड धरणातील पाणीसाठा टिकविण्याच्या…
शिरुर (तेजस फडके): शिरुर तालुक्यात एकीकडे दुष्काळात शेतकरी होरपळत असताना दुसरीकडे विजेच्या तारांच्या शॉर्टसर्किट मुळे…