शिरुर; खुनाचा प्रयत्न करुन पाच वर्षापासुन फरार असलेल्या आरोपीच्या पोलिसांनी आवळल्या मुसक्या

न्हावरे (तेजस फडके) शिरुर पोलीस स्टेशन हद्दीतील उरळगाव येथे सन २०१९ साली शेतातील बांधावरील रस्त्यावरुन ट्रॅक्टर घेवुन गेल्याबाबत जाब विचारल्याने विनोद चंद्रकांत होलगुंडे आणि त्याच्या इतर ६ साथीदारांनी चिडुन जावुन सागर रसिक होलगुंडे याला जिवे ठार मारण्याच्या उ‌द्देशाने डोक्यात कुऱ्हाडीने मारहाण केली. तसेच सागरच्या नातेवाईकांनाही मारहाण केली होती. त्यानंतर विनोद होलगुंडे हा पाच वर्षे फरार होता. पाच वर्षांनंतर शिरुर पोलिस स्टेशनच्या गुन्हे शोध पथकाने त्याच्या मुसक्या आवळल्या आहेत.

याबाबत शिरुर पोलिसांनी दिलेल्या माहितीनुसार पोलीस अंमलदार रघुनाथ हाळनोर यांना गोपनीय बातमीदारामार्फत माहिती मिळाली होती की, शिरुर पोलीस स्टेशन गुन्हा रजि नं ३३६/२०१९ मधील पोलिस शोध घेत असलेला आरोपी विनोद चंद्रकांत होलगुंडे (रा.उरळगाव ता.शिरुर, जि.पुणे) हा उरळगाव येथील होलगुंडे वस्ती येथे येणार आहे. रघुनाथ हाळनोर यांनी पोलीस निरीक्षक संदेश केंजळे यांना याबाबत माहीती दिल्याने या आरोपीस ताब्यात घेण्याबाबत संदेश केंजळे यांनी शिरुर पोलीस स्टेशनच्या गुन्हे शोध पथकाला आदेश दिले होते.

 

त्यानंतर मिळालेल्या माहितीप्रमाणे शिरुर पोलिस स्टेशनच्या गुन्हे शोध पथकाचे प्रमुख सहायक पोलिस निरीक्षक हणमंतराव गिरी आणि त्यांच्या पथकामधील पोलीस अंमलदार रघुनाथ हाळनोर, विजय शिंदे, निखिल रावडे, निरज पिसाळ यांनी तातडीने उरळगाव (ता.शिरुर, जि. पुणे) येथील होलगुंडे वस्ती येथे जावुन आरोपीस सापळा लावुन शिताफिने पकडुन ताब्यात घेतले आहे.

 

याबाबत सन २०१९ साली शिरुर पोलीस स्टेशन येथे सागर रसिक होलगुंडे (रा.होलगुंडे वस्ती, उरळगाव, ता. शिरुर, जि. पुणे) यांनी तक्रार दिलेली आहे. यातील फिर्यादी व त्यांचे नातेवाईक यांनी शेतातील बांधावरील रस्त्यावरुन ट्रॅक्टर घेवुन गेल्याबाबत आरोपी विनोद चंद्रकांत होलगुंडे (रा.उरळगाव, ता.शिरुर, जि. पुणे) आणि त्याचे इतर ६ साथीदार यांना विचारणा केली असता आरोपींनी चिडुन जावुन जिवे ठार मारण्याच्या उ‌द्देशाने फिर्यादीच्या डोक्यात कुऱ्हाडीने मारहाण केली. तसेच फिर्यादीच्या इतर नातेवाईकांनाही जबर मारहाण केली होती. याबाबत शिरूर पोलीस स्टेशन येथे गुन्हा दाखल करण्यात आला होता. त्यानंतर आरोपी विनोद चंद्रकांत होलगुंडे हा सन २०१९ पासुन अद्यापपर्यंत फरार होता.

 

सदरची कारवाई पुणे ग्रामीणचे पोलीस अधिक्षक पंकज देशमुख, अप्पर पोलीस अधिक्षक रमेश चोपडे, शिरुरचे उपविभागीय पोलीस अधिकारी प्रशांत ढोले, शिरुरचे पोलीस निरीक्षक संदेश केंजळे यांच्या मार्गदर्शनाखाली शिरुर पोलीस स्टेशनच्या गुन्हे शोध पथकाचे प्रमुख सहायक पोलीस निरीक्षक हणमंतराव गिरी, पोलिस हवालदार नाथसाहेब जगताप, परसराम सांगळे, पोलीस अमंलदार विजय शिंदे, निरज पिसाळ, निखील रावडे, रघुनाथ हळनोर, नितेश थोरात, सचिन भोई यांच्या पथकाने केली आहे.

 

शिरुर पोलिसांची खऱ्या अर्थाने ‘सिंघमगिरी’ सुरु…

शिरुर पोलिस स्टेशनचा कारभार हातात घेतल्यापासुन पोलिस निरीक्षक संदेश केंजळे यांनी शिरुर पोलिस स्टेशन हद्दीतील गुन्हेगारी आटोक्यात आणण्यासाठी कठोर पाऊले उचलली असुन ‘सद रक्षणाय खल निग्रहणाय’ या वाक्याप्रमाणे संदेश केंजळे यांच्या कारवाईचा गुन्हेगारांनी चांगलाच धसका घेतला आहे. पोलिस निरीक्षक संदेश केंजळे यांच्या मार्गदर्शनाखाली शिरुरच्या गुन्हे शोध पथकानेही सध्या जुन्या गुन्ह्यातील आरोपीची माहिती काढत कारवाईचा बडगा उगारला असल्याने गुन्हेगारांची पाचावर धारण बसली असल्याची शिरुर पोलिस स्टेशन हद्दीत सगळीकडे दबक्या आवाजात चर्चा सुरु आहे.

शिरुर पोलिस स्टेशनच्या पोलिस निरीक्षकपदी संदेश केंजळे यांची नियुक्ती; ज्योतिराम गुंजवटे यांची मुख्यालयात बदली

शिरुर शहरात पोलिसांची दबंगगिरी; पाच पिस्तुलासह चार काडतुसे जप्त करत दोघांना ठोकल्या बेड्या

शिरूचे पोलिस निरीक्षक संदेश केंजळे यांची पहिले जनसुनवाई मगच कारवाई

शिरुर पोलिसांची दहा इलेव्हन कॅफेवर धडक कारवाई, मुला-मुलींचे अश्लील वर्तन; कॅफे चालकावर गुन्हा दाखल

कौतुकास्पद; रांजणगाव पोलीसांनी खुन करुन फरार झालेल्या आरोपीच्या २४ तासात आवळल्या मुसक्या

रामलिंग येथे हाय व्होल्टेजच्या तारांखाली सेंट्रींगचे काम करत असताना तारेचा शॉक बसून कामगाराचा मृत्यू