‘त्या’ आरोपीवर कठोर कारवाई करा होलार समाजाची मागणी

सविंदणे: यवतमाळ जिल्हामधील पुसद तालुक्यामधील कारला गावामधील होलार समाजाचे प्रकाश टाळीकुटे यांच्या मुलीच्या लग्नामध्ये अडथळा आणुन जातिवाचक शिवीगाळ केल्याप्रकरणी गावचे सरपंच रमेश राठोड यांच्यावर गुन्हा दाखल करुनही अद्याप सदर आरोपीला अटक झालेली नाही. तरीही या संदर्भात (दि. ३०) जुलै २०२२ रोजी शिरुर शहर होलार समाजाच्या वतीने शिरुर पोलीस स्टेशचे पोलीस निरीक्षक सुरेशकुमार राऊत यांना निवेदन देण्यात आले.

या निवेदनात सदर आरोपीला लवकरात लवकर अटक करुन कठोर कारवाई करावी, अन्यथा महाराष्ट्र राज्य शिरुर शहर होलार समाजाच्या वत्तीने आंदोलन करण्याचा इशारा देण्यात आला. यावेळी अमोल करडे, चेतन माने, रविंद्र गुळादे, ऋतिक ढोबळे, सनी भोसले, शैलेश जाधव, युवराज गुळादे, कृष्णा करडे, जय जाधव, सचिन करडे, सोमनाथ करडे, बाळासो करडे, ऋतिक जाधव, समाधान कोठावळे, तेजस माने, संतोष माने उपस्थित होते. यावेळी रविंद्र गुळादे यांनी आरोपीला लवकरात लवकर अटक करुन कठोर कारवाई न केल्यास समस्त शिरुर शहर होलार समाजाच्या वतीने आंदोलन छेडण्याचा ईशारा दिला.