‘रांजणगाव मॅरेथॉन’ स्पर्धेचे होणार मान्यवरांच्या उपस्थितीत उदघाटन

शिरुर (तेजस फडके) आर एम धारीवाल फाउंडेशनच्या वतीने 11 डिसेंबर रोजी सकाळी 6 वाजता ‘रांजणगाव मॅरेथॉन’ 2022 या स्पर्धेचे आयोजन रांजणगाव गणपती येथे होत असून या स्पर्धेच्या पाचव्या पर्वाचे उद्घाटन सिनेअभिनेते श्रेयस तळपदे यांच्या हस्ते होणार असुन या स्पर्धेसाठी आर एम धारीवाल फाउंडेशनच्या अध्यक्षा जान्हवी धारीवाल, उपाध्यक्षा शोभा धारीवाल, इंद्राणी बालन फाउंडेशनचे अध्यक्ष पुनित बालन, माजी राज्यमंत्री आमदार बच्चू कडु, पुणे विभागाचे लाच-लुचपत विभागाचे आयुक्त अमोल तांबे हे मान्यवर उपस्थित राहणार आहेत.

कोरोनानंतर सर्वसामान्य लोकांमध्ये आरोग्याविषयी मोठ्या प्रमाणावर जनजागृती झाली असून दोन वर्षांनंतर ही स्पर्धा होत असल्याने शिरुर तालुक्यासह संपुर्ण महाराष्ट्रातुन धावपटू या स्पर्धेत सहभागी होणार आहेत. तसेच या स्पर्धेत २ लाखांची रोख बक्षिसे ठेवण्यात आली असुन या स्पर्धेसाठी ‘महागणपती फाउंडेशन’ यांचेही सहकार्य राहणार आहे. शिरुर तालुक्यातील विविध शाळांमधील विद्यार्थी या स्पर्धेत सहभागी होणार असून हि स्पर्धा सर्वसमावेशक असल्याने या स्पर्धेत शिरुर तालुक्यातील सर्व नागरीकांचा मोठ्या प्रमाणात सहभाग राहणार आहे.

रांजणगाव मॅरेथॉन स्पर्धेचे ऑफलाईन रजिस्ट्रेशन सुरु…

आर एम धारीवाल फाउंडेशन व महागणपती फाउंडेशन यांच्या संयुक्त विद्यमाने रांजणगाव गणपती येथे भव्य मॅरेथॉन स्पर्धेचे येत्या रविवारी आयोजन करण्यात आले आहे. या स्पर्धेत सहभागासाठी शेवटचे दोनच दिवस राहिलेले असून ज्या स्पर्धकांना ऑनलाईन रजिस्ट्रेशन करण्यासाठी अडचणी आल्या व ज्यांचा सहभाग घ्यायचा राहिला आहे त्यांच्यासाठी हि शेवटची संधी असणार आहे असे आयोजक सागर पाचुंदकर यांनी सांगितले. स्पर्धेचे रजिस्ट्रेशन राजमुद्रा चौक येथे मॅरेथॉन च्या ग्राउंडवर चालु आहे, तेथे जाऊन प्रत्यक्ष फार्म भरावा किंवा 9595689696 या नंबरवर संपर्क साधावा. तसेच रांजणगाव मॅरेथॉन स्पर्धेत जास्तीत जास्त स्पर्धकांनी सहभागी व्हावे असे आवाहन करण्यात आले आहे. अधिक माहितीसाठी 9595689696 आणि 9657663383 या नंबरवर संपर्क करावा. तसेच Online Registration https://www.townscript.com/c/ ranjangaon-marathon यासाठी लिंकवर क्लिक करा.