मंत्रालयात छत्रपती संभाजी महाराज जयंती उत्साहात साजरी

मुंबई: छत्रपती संभाजी महाराज यांच्या जयंतीनिमित्त मंत्रालयात पर्यटन, खनिकर्म व माजी सैनिक कल्याण मंत्री शंभूराज देसाई यांनी उपमुख्यमंत्री एकनाथ शिंदे यांच्यासमवेत महाराजांच्या प्रतिमेस पुष्प अर्पण करून अभिवादन केले.

विधानभवन येथे नवनिर्वाचित विधिमंडळ सदस्यांचा शपथविधी पार पडल्यानंतर उपमुख्यमंत्री एकनाथ शिंदे आणि मंत्री शंभूराज देसाई मंत्रालयात राज्य मंत्रिमंडळ बैठकीसाठी दाखल झाले होते. यावेळी मंत्रालयातील अधिकारी-कर्मचारी तसेच उपस्थित आमदारांनीही छत्रपती संभाजी महाराज यांच्या प्रतिमेस पुष्प वाहून अभिवादन केले.छत्रपती संभाजी महाराज यांच्या शौर्य, राष्ट्रनिष्ठा आणि हिंदवी स्वराज्यासाठी दिलेल्या योगदानाचे स्मरण यावेळी करण्यात आले.