महाराष्ट्र

आदिवासी विद्यार्थ्यांच्या अटकेवरून काँग्रेस आक्रमक; ‘वर्षा’ बंगल्याला घेराव घालण्याचा हर्षवर्धन सपकाळांचा इशारा

मध्यरात्री काँग्रेस कार्यालयात पोलिसांची कारवाई; सपकाळ, गायकवाड, भाई जगताप यांचा सरकारवर हल्लाबोल

मुंबई: नाशिकपासून मुंबईपर्यंत लाँगमार्च करत आलेल्या आणि दादर येथील काँग्रेस कार्यालयात रात्री विसावा घेत असलेल्या आदिवासी विद्यार्थ्यांना पोलिसांनी ताब्यात घेतल्याच्या घटनेवरून काँग्रेस आक्रमक झाली आहे. मध्यरात्री विद्यार्थ्यांना अटक करण्याची गरज काय, असा सवाल करत काँग्रेस प्रदेशाध्यक्ष हर्षवर्धन सपकाळ यांनी विद्यार्थ्यांसह NSUIचे प्रदेशाध्यक्ष सागर साळुंके आणि मुंबई NSUIचे अध्यक्ष प्रद्युम यादव यांची तत्काळ सुटका करण्याची मागणी केली. तसेच सुटका न झाल्यास काँग्रेसचे राज्यातील नेते आणि कार्यकर्ते मुख्यमंत्री देवेंद्र फडणवीस यांच्या ‘वर्षा’ या शासकीय निवासस्थानी घेराव घालतील, असा इशारा सपकाळ यांनी दिला.

आदिवासी विद्यार्थ्यांवरील पोलिस कारवाईचा निषेध करत सपकाळ यांनी सरकारवर जोरदार टीका केली. काँग्रेसच्या टिळक भवन कार्यालयात पोलिसांना पाठवून विद्यार्थ्यांसह NSUIच्या पदाधिकाऱ्यांना ताब्यात घेण्याची कारवाई दंडेलशाही असल्याचा आरोप त्यांनी केला.

“आंदोलनासाठी आलेले हे विद्यार्थी काही गुन्हेगार आहेत का? आंदोलन करणे गुन्हा आहे का? अति तेथे माती हे लक्षात ठेवा. काँग्रेस पक्षाच्या कार्यालयात मध्यरात्री पोलीस पाठवता, आमच्या कार्यालयात घुसलात; आता आम्ही वर्षा बंगल्यावर चाल करून जाऊ,” असा इशारा सपकाळ यांनी दिला.

आदिवासी विद्यार्थ्यांचा आवाज दडपण्याचा कोणताही प्रयत्न काँग्रेस सहन करणार नाही. विद्यार्थ्यांच्या न्याय्य हक्कांसाठी काँग्रेस पक्ष त्यांच्या पाठीशी ठामपणे उभा आहे, असेही सपकाळ यांनी स्पष्ट केले.

‘टिळक भवनभोवती बॅरिकेड्स, हे जंगलराज आहे का?’

मुंबई काँग्रेस अध्यक्ष वर्षा गायकवाड यांनीही पोलिसांच्या कारवाईवर प्रश्न उपस्थित केले. टिळक भवनमध्ये पत्रकारांशी बोलताना त्या म्हणाल्या की, काँग्रेस कार्यालयात पोलिसांना पाठवून आदिवासी विद्यार्थ्यांवर कारवाई करणे मुख्यमंत्री देवेंद्र फडणवीस यांना शोभणारे नाही.

विद्यार्थी आपल्या हक्कांसाठी आणि न्यायाच्या मागणीसाठी मुंबईत आले असताना त्यांच्यावर पोलिस कारवाई करणे योग्य नाही. टिळक भवन हे काँग्रेसचे कार्यालय असून येथे कोणीही येऊ शकते. मात्र, पोलिसांनी कार्यालयाभोवती बॅरिकेड्स लावून नाकाबंदी केली आहे. “हे जंगलराज आहे का?” असा सवाल गायकवाड यांनी केला.

भाई जगतापांचा पोलिसांवर हल्लाबोल

आमदार भाई जगताप यांनीही टिळक भवन येथे भेट देऊन विद्यार्थ्यांची विचारपूस केली. त्यानंतर पत्रकारांशी बोलताना त्यांनी काँग्रेस कार्यालयात पोलिसांनी घुसून केलेली कारवाई निषेधार्ह असल्याचे म्हटले.

मध्यरात्री ताब्यात घेण्यासाठी आदिवासी विद्यार्थी काही गुन्हेगार नाहीत. पोलिसांनी काही विद्यार्थ्यांना येलो गेट पोलिस ठाण्यात, तर काहींना ठाण्याच्या दिशेने नेले. यामध्ये मुलींचाही समावेश असल्याचा दावा भाई जगताप यांनी केला. काही विद्यार्थ्यांना तीन तास पोलिस ठाण्याबाहेर उभे ठेवण्यात आल्याचेही त्यांनी सांगितले.

NSUIच्या अध्यक्षांना ताब्यात घेऊन शहरभर फिरविण्यात आल्याचा आरोप करत “हे काय चालले आहे?” असा सवाल त्यांनी केला. पोलिसांची दंडेलशाही आणि गुंडगिरी काँग्रेस खपवून घेणार नाही, असा इशाराही भाई जगताप यांनी दिला.

दरम्यान, काँग्रेस कार्यालय टिळक भवनमध्ये मध्यरात्री पोलिसांनी केलेल्या कारवाईचा काँग्रेस विधिमंडळ पक्षनेते विजय वडेट्टीवार, ज्येष्ठ नेते बाळासाहेब थोरात यांच्यासह काँग्रेसच्या प्रमुख नेत्यांनी निषेध केला आहे. सरकारच्या या कारवाईला काँग्रेस घाबरणार नाही आणि आदिवासी विद्यार्थ्यांच्या न्याय्य मागण्यांसाठी पक्ष खंबीरपणे त्यांच्या पाठीशी उभा राहील, अशी भूमिका काँग्रेस नेत्यांनी घेतली आहे.

शिरूर तालुका टीम

Recent Posts

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

21 तास ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

2 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

2 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

2 दिवस ago

मराठवाड्यात काँग्रेस संघटना मजबूत करण्यासाठी सपकाळ मैदानात; बूथपासून जिल्हास्तरापर्यंत बांधणीचे निर्देश

SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…

2 दिवस ago

Video! सणसवाडीतील फोसेको इंडिया कंपनीत भीषण अपघात; पल्पर मशीनमध्ये अडकून परप्रांतीय मजूर गंभीर जखमी…

शिक्रापूर (तेजस फडके): सणसवाडी (ता. शिरुर) औद्योगिक वसाहतीमध्ये कामगारांच्या सुरक्षेचा प्रश्न पुन्हा एकदा ऐरणीवर आला…

2 दिवस ago