बीड: बीड जिल्ह्यातील परळी येथील महादेव मुंडे यांच्या हत्या प्रकरणाचा तपास करण्यासाठी एसआयटी स्थापन करण्याचे आदेश देत मुख्यमंत्री देवेंद्र फडणवीस यांनी मुंडे कुटुंबाची मागणी मान्य केली आहे. फडणवीसांच्या आदेशानंतर आयपीएस अधिकारी पंकज कुमावत यांच्या अध्यक्षतेखाली एसआयटी स्थापन करण्यात आली आहे.
महादेव मुंडे यांच्या पत्नी ज्ञानेश्वरी मुंडे यांनी गुरूवारी (ता.31) मुख्यमंत्री फडणवीस यांची भेट घेतली. यावेळी भाजप आमदार सुरेश धसही त्यांच्याबरोबर उपस्थित होते. महादेव मुंडेंच्या हत्या प्रकरणात वाल्मीक कराड व त्याचा मुलगाही सहभागी असल्याचा आरोप केला जात आहे.
शिवाय या हत्ये प्रकरणी अद्याप एकाही गुन्हेगाराला अटक करण्यात आलेली नाही. नुकतंच आपल्या पतीला न्याय मिळावा यासाठी ज्ञानेश्वरी मुंडेंनी आत्महत्या करण्याचा प्रयत्न केला होता. त्यानंतर हे प्रकरण चांगलंच चर्चेत आलं होत. त्यानंतर काल ज्ञानेश्वरी मुंडेंनी मुख्यमंत्र्यांची भेट घेत त्यांना सर्व प्रकरणाची सविस्तर माहिती सांगितली. त्यानंतर या प्रकरणात कुणीही असले तरी त्याला सोडणार नाही, असा शब्द मुख्यमंत्र्यांनी दिला. शिवाय मुख्यमंत्र्यांनी तत्काळ एसआयटी स्थापन करून आरोपींना अटक करण्याचे आदेश दिले. त्यानुसार अमरावतीचे अपर पोलिस अधीक्षक पंकज कुमावत यांच्या अध्यक्षतेखाली एसआयटीची स्थापना करण्यात आली आहे. यामध्ये पोलिस निरीक्षक संतोष साबळे, सहाय्यक पोलिस निरीक्षक सपकाळ यांचा समावेश करण्यात आला आहे.
दरम्यान, या प्रकरणाच्या सुरुवातीपासूनच स्थानिक पोलिसांच्या तपासावर संशय व्यक्त केला जात होता. अशातच ज्ञानेश्वरी मुंडेंनी वाल्मिक कराडच्या सांगण्यावरून परळीतील धनंजय मुंडे यांच्या बंगल्यावरून पोलिसांना फोन गेल्यानंतर हा तपास थांबवल्याचा गंभीर आरोप केला आहे. तर महादेव मुंडे हत्या प्रकरणात शंभर टक्के काही पोलिस अधिकारी सहभागी असून त्यांची नावे आम्ही मुख्यमंत्र्यांना सांगितल्याचा दावा भाजप आमदार सुरेश धस यांनी केला आहे. शिवाय या पोलिसांचे फोन आणि कॉल डिटेल्स तपासण्याची मागणी आम्ही केल्याचंही धस यांनी सांगितलं आहे.
दरम्यान, आयपीएस अधिकारी पंकज कुमावत यांची पदोन्नती झाली होती, पण महाविकास आघाडी सरकारच्या काळात त्यांची बदली करण्यात आली. ते असते तर असे प्रकार घडले नसते,” असंही धस यांनी म्हटलं आहे. त्यामुळे आता कुमावत यांच्या अध्यक्षतेखाली एसआयटी स्थापन केल्याने या प्रकरणाचा तपास वेगाने होण्याची शक्यता व्यक्त केली जात आहे.
सामान्यपणे जेव्हा एखाद्या व्यक्तीला जखम झाली किंवा कुठं खरचटलं तर रक्त निघतं. हे रक्त निघणं…
कडूलिंबाचा प्राचीन काळापासून आयुर्वेदिक औषधी म्हणून वापर होत आहे. हे एक असं झाड आहे, जे…
केवळ जेवणाची वेळ बदलली तरी अनेक आजार बरे होतात, बरे नाही, निघूनच जातात कायमचे. त्यासाठी…
‘आरक्षणाच्या जागा कमी झाल्यास मुख्यमंत्री आणि दोन्ही उपमुख्यमंत्री जबाबदार’; ओबीसींच्या राजकीय प्रतिनिधित्वासाठी केंद्राकडे पाठपुराव्याची मागणी…
२० नगरसेवकांचे ठरावाला समर्थन; गादियांसह राष्ट्रवादीच्या सहा नगरसेवकांचा सभात्याग शिरूर (तेजस फडके): शिरूर नगरपरिषदेच्या राजकारणात…
शिरूर (अरुणकुमार मोटे): शिरूरमध्ये कायदा आणि सुव्यवस्थेचा प्रश्न ऐरणीवर आला असून चक्क पोलीस ठाण्यासमोरच दोन…