मुंबई: महाराष्ट्राच्या औद्योगिक विकासाला नवी दिशा देणाऱ्या महत्त्वपूर्ण सामंजस्य करारावर जॉन कॉकरिल इंडिया लिमिटेडसोबत स्वाक्षरी करण्यात आली आहे. हा करार केवळ औद्योगिक गुंतवणुकीपुरता मर्यादित नसून गडचिरोलीला ग्रीन स्टील उत्पादनाचे जागतिक केंद्र बनविण्याच्या राज्य सरकारच्या महत्त्वाकांक्षी योजनेचा पाया असल्याचे पणन व राजशिष्टाचार मंत्री जयकुमार रावल यांनी सांगितले.
या करारासंदर्भात आयोजित बैठकीला जॉन कॉकरिल इंडिया लिमिटेडचे व्यवस्थापकीय संचालक डॉ. फ्रेडरिक मार्टिन, उद्योग विभागाचे प्रधान सचिव डॉ. पी. अन्बळगन, राजशिष्टाचार विभागाचे सचिव डॉ. राजेश गवांदे यांच्यासह वरिष्ठ अधिकारी उपस्थित होते.
मुख्यमंत्री देवेंद्र फडणवीस यांच्या नेतृत्वाखाली महाराष्ट्र जागतिक गुंतवणूक, अत्याधुनिक तंत्रज्ञान, नवोपक्रम आणि शाश्वत औद्योगिक विकासाला चालना देणारे अग्रगण्य राज्य म्हणून पुढे जात आहे. गडचिरोलीतील प्रस्तावित उपक्रमामुळे जिल्ह्याच्या औद्योगिक परिवर्तनाला मोठी गती मिळेल, असे रावल यांनी सांगितले.
या प्रकल्पातून हरित तंत्रज्ञान, मोठ्या प्रमाणातील गुंतवणूक, रोजगारनिर्मिती आणि कौशल्य विकासाला चालना मिळणार आहे. स्थानिक युवकांसाठी रोजगाराच्या नव्या संधी निर्माण करण्याबरोबरच विदर्भातील नैसर्गिक व खनिज संपत्तीला पर्यावरणपूरक उत्पादन प्रक्रियेची जोड देऊन शाश्वत औद्योगिक विकासाचे मॉडेल उभारले जाणार आहे.
महाराष्ट्र शासनाच्या राजशिष्टाचार, परकीय थेट गुंतवणूक आणि प्रवासी भारतीय संपर्क विभागाच्या माध्यमातून आंतरराष्ट्रीय औद्योगिक भागीदारी मजबूत केली जात आहे. जॉन कॉकरिलसोबतची भागीदारी महाराष्ट्राला ग्रीन स्टील उत्पादन आणि निर्यातीच्या क्षेत्रात जागतिक पातळीवर नवे स्थान मिळवून देईल, असा विश्वास रावल यांनी व्यक्त केला.
४ सप्टेंबर रोजी बेल्जियमच्या पंतप्रधानांच्या उपस्थितीत या सामंजस्य कराराची औपचारिक देवाणघेवाण होणार आहे. त्यामुळे महाराष्ट्राच्या हरित औद्योगिक विकासाला आंतरराष्ट्रीय स्तरावर नवी ओळख मिळण्यास मदत होणार आहे.
या प्रकल्पासाठी आवश्यक परवानग्या, धोरणात्मक प्रोत्साहन, सुलभ सुविधा आणि उद्योगपूरक परिसंस्था शासनाकडून उपलब्ध करून दिली जाणार आहे. तसेच स्थानिक युवकांच्या कौशल्य विकासावर विशेष भर दिला जाणार असल्याचे रावल यांनी स्पष्ट केले.
गडचिरोलीची ओळख केवळ नैसर्गिक संपत्तीचा जिल्हा म्हणून न राहता ग्रीन स्टील, नवोपक्रम आणि शाश्वत उद्योगांचे जागतिक केंद्र म्हणून निर्माण करण्याचे राज्य सरकारचे उद्दिष्ट आहे, असेही रावल यांनी सांगितले. जॉन कॉकरिल इंडिया लिमिटेडने महाराष्ट्रावर विश्वास दाखवल्याबद्दल त्यांनी कंपनीचे आभार मानले.
मुंबई: राज्यातील दुष्काळाच्या पार्श्वभूमीवर शिवसेनेने यंदाचा दसरा मेळावा संकटग्रस्त शेतकऱ्यांना समर्पित केला आहे. गोरेगाव येथील…
धाराशिव जिल्ह्यातील पाणी, चारा टंचाईवर उपाययोजनांच्या प्रभावी अंमलबजावणीचे डॉ. राजेश देशमुख यांचे निर्देश धाराशिव: जिल्ह्यातील…
मुंबई: बॉलीवूड अभिनेता टायगर श्रॉफ याच्या गाडीवर आज संध्याकाळी अज्ञात हल्लेखोरांनी हल्ला केल्याची घटना घडली. या…
टायगर श्रॉफ गोळीबार प्रकरणाची गंभीर दखल; आरोपींच्या शोधासाठी विशेष पथके तैनात नागपूर: मुंबईत पुन्हा दहशतीचे…
३७ लाख २० हजारांचा मुद्देमाल हस्तांतरित; वाहनमालकांना दिवाळीची भेट शिक्रापूर (अक्षय टेमगिरे): गुन्हे, अपघात तसेच…
दातांचे आजार आणि त्यांच्या उपायांबद्दल बोलायचं झाल्यास, मुख्यत्वे दात किडणे (cavities) आणि हिरड्यांचे आजार (gum…