काँग्रेसच्या टीकेवर दमानियांचा आक्षेप; “अशी भाषा कोणत्याही पक्षाला शोभणारी नाही”
मुंबई : बीडमधील पत्रकार परिषदेदरम्यान घडलेल्या एका व्हिडिओवरून राज्याच्या राजकारणात नवा वाद निर्माण झाला आहे. बीडच्या कायदा-सुव्यवस्थेबाबत उपमुख्यमंत्री सुनेत्रा पवार यांना प्रश्न विचारण्यापासून धनंजय मुंडे यांनी पत्रकाराला रोखल्याचा व्हिडिओ सोशल मीडियावर व्हायरल झाला. या घटनेवरून काँग्रेसने सुनेत्रा पवार यांना “गुंगी गुडिया” म्हणत टीका केली. मात्र, या शब्दप्रयोगावर सामाजिक कार्यकर्त्या अंजली दमानिया यांनी तीव्र आक्षेप घेत काँग्रेसलाच धारेवर धरले.
अंजली दमानिया यांनी ‘एक्स’वरील पोस्टमध्ये काँग्रेसच्या भाषेवर प्रश्नचिन्ह उपस्थित केले. “गुंगी गुडिया? काय ही भाषा? एका पक्षाला ही भाषा शोभते का? पृथ्वीराज चव्हाण यांना ही भाषा योग्य वाटते का? मी राष्ट्रवादीविरोधात कठोर भूमिका घेतली आहे, पण सुनेत्रा पवार यांच्यासाठी वापरलेले हे शब्द पूर्णपणे चुकीचे आहेत. मी याचा तीव्र निषेध करते,” असे त्यांनी म्हटले.
दरम्यान, काँग्रेसने सोशल मीडियावर व्हिडिओ शेअर करत “सुनेत्रा पवार, अजून किती दिवस ‘गुंगी गुडिया’ बनून राहणार?” असा सवाल उपस्थित केला होता. तसेच धनंजय मुंडे यांच्यावरही टीकेची झोड उठवत “बीडचे हुकूमशहा?” असा आरोप केला होता.
हा संपूर्ण वाद बीडमधील जिल्हा नियोजन बैठकीनंतर झालेल्या पत्रकार परिषदेतून सुरू झाला. कायदा-सुव्यवस्थेबाबत पत्रकाराने प्रश्न विचारण्याचा प्रयत्न करताच धनंजय मुंडे यांनी हस्तक्षेप केल्याचा व्हिडिओ समोर आल्यानंतर विरोधकांनी सरकारवर टीकेची झोड उठवली. आता या प्रकरणात अंजली दमानिया यांनी काँग्रेसच्या शब्दप्रयोगावर आक्षेप घेतल्याने या राजकीय वादाला नवे वळण मिळाले आहे.
नोंदणी शुल्क मुख्यमंत्री सहाय्यता निधीला देणार; ३५ मराठी चित्रपट, ७ परिसंवाद, ४ विशेष मुलाखती आणि…
चंद्रकांतदादा पाटील यांचे तातडीने कार्यवाहीचे निर्देश; कुलगुरूंना जागा उपलब्ध करून देण्याच्या सूचना मुंबई : राज्यातील विद्यार्थ्यांना…
राहुल गांधींचे हात बळकट करण्यासाठी काँग्रेसमध्ये प्रवेश; हर्षवर्धन सपकाळ यांच्या उपस्थितीत टिळक भवनात पक्षप्रवेश सोहळा…
महायुती सरकारवर काँग्रेस प्रदेशाध्यक्षांचा जोरदार हल्लाबोल; ‘गोकुळ’वर कब्जा करण्याचा सरकारचा डाव असल्याचा आरोप मुंबई: राज्यातील…
मुंबई: महाराष्ट्राच्या सार्वजनिक आरोग्य विभागाच्या इतिहासात आज ऐतिहासिक नोंद झाली आहे. एकाच वेळी तब्बल १,४४० नवनियुक्त…
१३ दिवसांच्या आंदोलनानंतर दाखल गुन्ह्यांत न्यायालयीन दिलासा; अतिरिक्त सत्र न्यायालयाकडून अंतरिम जामीन कायम शिरूर: पुणे-अहिल्यानगर राष्ट्रीय…