महाराष्ट्र

शिक्षक-कर्मचाऱ्यांसाठी महत्त्वाची बातमी; e-KYC साठी २० सप्टेंबरपर्यंत अंतिम मुदतवाढ

पुणे : राज्यभरातील खाजगी शाळांमधील अनुदानित, अंशतः अनुदानित तसेच जिल्हा परिषदांच्या प्राथमिक व माध्यमिक शाळांमध्ये कार्यरत शिक्षक आणि शिक्षकेतर कर्मचाऱ्यांसाठी महत्त्वाची बातमी आहे. शालार्थ प्रणालीमध्ये कर्मचाऱ्यांचे e-KYC पूर्ण करण्यासाठी २० सप्टेंबर २०२६ पर्यंत मुदतवाढ देण्यात आली आहे. शिक्षण संचालनालयाने याबाबत परिपत्रक जारी केले आहे.

यापूर्वी ऑगस्ट २०२६ पर्यंत e-KYC पूर्ण करण्याचे निर्देश देण्यात आले होते. मात्र, विभागीय आणि क्षेत्रीय स्तरावरील आढाव्यात अद्याप काही कर्मचाऱ्यांची प्रक्रिया पूर्ण होणे बाकी असल्याचे निदर्शनास आले. त्यामुळे कर्मचाऱ्यांच्या सोयीसाठी शिक्षण विभागाने अंतिम मुदतवाढ दिली आहे.

२० सप्टेंबरनंतर मुदतवाढ नाही

शिक्षण संचालक (प्राथमिक) शरद गोसावी तसेच शिक्षण संचालक (माध्यमिक व उच्च माध्यमिक) डॉ. महेश पालकर यांच्या स्वाक्षरीने हे परिपत्रक प्रसिद्ध करण्यात आले आहे. २० सप्टेंबर २०२६ पर्यंत e-KYC पूर्ण न करणाऱ्या कर्मचाऱ्यांचे ऑक्टोबर २०२६ चे वेतन, जे नोव्हेंबरमध्ये अदा केले जाते, देण्यात येणार नाही. तसेच यापुढे e-KYC साठी कोणतीही अतिरिक्त मुदतवाढ दिली जाणार नसल्याचे स्पष्ट करण्यात आले आहे.

शाळांना तातडीने सूचना देण्याचे निर्देश

या निर्णयाची गंभीर दखल घेत सर्व विभागीय शिक्षण उपसंचालक, जिल्हा परिषदेचे शिक्षणाधिकारी, मुंबईचे शिक्षण निरीक्षक तसेच वेतन व भविष्य निर्वाह निधी पथकाच्या अधीक्षकांना आपल्या कार्यक्षेत्रातील सर्व शाळांना तात्काळ सूचना देण्याचे आदेश देण्यात आले आहेत.

MahaIT ला तांत्रिक सुविधांच्या सूचना

शालार्थ प्रणालीची तांत्रिक जबाबदारी असलेल्या MahaIT ला देखील आवश्यक सूचना देण्यात आल्या आहेत. e-KYC पूर्ण करण्यासाठी प्रणालीमध्ये आवश्यक सुविधा तातडीने उपलब्ध करून देण्याचे निर्देश देण्यात आले आहेत.

तसेच ज्या कर्मचाऱ्यांचे २० सप्टेंबरपर्यंत e-KYC पूर्ण होणार नाही, अशा कर्मचाऱ्यांचे ऑक्टोबर महिन्याचे वेतन बिल प्रणालीमध्ये तयार होणार नाही, अशी Validation व्यवस्था करण्याच्या सूचनाही MahaIT ला देण्यात आल्या आहेत.त्यामुळे संबंधित शिक्षक आणि शिक्षकेतर कर्मचाऱ्यांनी दिलेल्या अंतिम मुदतीपूर्वी शालार्थ प्रणालीतील e-KYC प्रक्रिया पूर्ण करण्याचे आवाहन करण्यात आले आहे.

शिरूर तालुका टीम

Recent Posts

शिरूर! लाचखोर हवालदार गजाआड; मात्र लाचखोरीच्या ‘वरिष्ठ सूत्रधारां’चा शोध सुरु…

शिरूर, (अरुणकुमार मोटे) : लाचलुचपत प्रतिबंधक विभागाच्या (एसीबी) जाळ्यात अडकून ९५ हजार रुपयांची लाच स्वीकारल्यानंतर…

1 दिवस ago

आयुर्वेदातील या टिप्स ने आता दुखण करता येईल मुळपासून दुर

तुमचे जाँईन्ट दूखतायत,कटकट आवाज येतो,कंबर पाठ मान ,पाय ,पोटरी, टाचा दुखत आहेत. आयुर्वेद याला वात…

2 दिवस ago

सावरकरांचा अपमान गोलवलकरांच्या पुस्तकातही; मग ‘बंच ऑफ थॉट्स’ फाडणार का? शिंदेसेनेला सचिन सावंतांचा सवाल!

संघाच्या विचारसरणीवरून शिंदेसेनेला घेरले; ‘सावरकरांचा खरा अपमान उजव्या विचारांच्या लोकांकडूनच’ मुंबई : काँग्रेस संसदीय पक्षाच्या अध्यक्ष…

2 दिवस ago

वाढवण बंदराचा हट्ट भूमिपुत्रांच्या अस्तित्वावर घाला; प्रकल्प कायमस्वरूपी रद्द करा!

पोलीस दडपशाही थांबवून आंदोलकांशी चर्चा करा; काँग्रेस प्रदेशाध्यक्ष हर्षवर्धन सपकाळ यांची मागणी मुंबई: वाढवण बंदर…

2 दिवस ago

मराठवाड्यात काँग्रेस संघटना मजबूत करण्यासाठी सपकाळ मैदानात; बूथपासून जिल्हास्तरापर्यंत बांधणीचे निर्देश

SIR प्रक्रियेवरून निवडणूक आयोगावर हर्षवर्धन सपकाळांचा हल्लाबोल; पात्र मतदारांची नावे वगळू नका, BLA प्रतिनिधींना दिला…

2 दिवस ago

Video! सणसवाडीतील फोसेको इंडिया कंपनीत भीषण अपघात; पल्पर मशीनमध्ये अडकून परप्रांतीय मजूर गंभीर जखमी…

शिक्रापूर (तेजस फडके): सणसवाडी (ता. शिरुर) औद्योगिक वसाहतीमध्ये कामगारांच्या सुरक्षेचा प्रश्न पुन्हा एकदा ऐरणीवर आला…

2 दिवस ago