सांगली: सांगली शहरासह उपनगरांत घराच्या दरवाजावर थाप मारून किंवा बेल वाजवून दार उघडताच महिलांच्या गळ्यातील दागिने हिसकावून पळ काढण्याच्या घटना वाढल्या आहेत. सकाळी–सायंकाळी फिरायला बाहेर पडलेल्या महिलांनाही लक्ष्य केले जात आहे. ग्रामीण भागातही अशा प्रकारच्या चोरींची संख्या वाढत असल्याने नागरिकांमध्ये चिंता आहे.
दार उघडण्यापूर्वी खात्री करा
बेल वाजल्यानंतर बाहेर कोण आहे, व्यक्ती ओळखीची आहे का, याची खात्री करूनच दरवाजा उघडावा. घाईत किंवा निष्काळजीपणाने दार उघडणे धोकादायक ठरू शकते.
दरवाजाला लेन्स आहे का?
दरवाजाच्या मध्यभागी बसवलेली लेन्स (डोअर व्ह्यूअर) उपयुक्त ठरते. बेल वाजल्यानंतर लेन्समधून बाहेर उभ्या व्यक्तीची ओळख पटवता येते. लेन्स नसल्यास सेफ्टी चेन लावून फटीतून पाहावे. शक्य असल्यास चॅनल गेट आणि सीसीटीव्ही कॅमेरे बसवणेही सुरक्षिततेसाठी महत्त्वाचे ठरते.
रात्री विशेष खबरदारी
रात्री-अपरात्री दरवाजा वाजल्यास प्रथम लेन्स किंवा खिडकीतून पाहावे. ओळख पटल्याशिवाय दरवाजा पूर्ण उघडू नये. शंका असल्यास शेजाऱ्यांची मदत घ्यावी.
संकटात ११२ डायल करा
अनोळखी व्यक्ती संशयास्पद वाटल्यास तात्काळ ११२ वर कॉल करून मदत मागावी. स्थानिक पोलिस ठाण्याचा संपर्क क्रमांक जवळ ठेवणेही आवश्यक आहे.सतर्कता हीच सुरक्षिततेची गुरुकिल्ली आहे.
मुंबई: लोकशाहीमध्ये कोणत्याही नेत्याची खरी ओळख सत्ता किंवा पदावरून नव्हे, तर जनतेच्या विश्वासावरून ठरते. हा…
सार्वजनिक मालमत्तेचे १ लाख ३१ हजार ७५० रुपयांचे नुकसान; एकाविरुद्ध शिरूर पोलिस ठाण्यात गुन्हा शिरुर…
बोगस विद्यार्थी, बनावट शिक्षक मंजुरी, कोरे धनादेश आणि स्टॅम्प पेपर जप्त; मालेगाव-पुण्यापर्यंत तपासाचे धागेदोरे परभणी:…
मुंबई: राज्यात दुधातील भेसळीच्या वाढत्या प्रकारांमुळे नागरिकांच्या आरोग्याचा प्रश्न गंभीर बनला आहे. अन्न व औषध…
मुंबई: भारत आणि युनायटेड किंगडम (यूके) यांच्यातील व्यापक आर्थिक व व्यापार करार (FTA) अंमलात आल्याने…
छत्रपती संभाजीनगर : 'सेफ फूड – सेफ महाराष्ट्र' मोहिमेअंतर्गत अन्न व औषध प्रशासन (FDA) ने…