ज्योती मानसिंग पाचुंदकर यांना प्रचारात पतीची खंबीर साथ!

रांजणगाव गणपती (तेजस फडके) : आगामी जिल्हा परिषद निवडणुकीच्या पार्श्वभूमीवर रांजणगाव–कारेगाव गटात राजकीय हालचालींना वेग आला असताना उमेदवार ज्योती मानसिंग पाचुंदकर यांना पती मानसिंग पाचुंदकर यांची खंबीर साथ लाभत आहे. शिरूर-आंबेगाव राष्ट्रवादी काँग्रेसचे अध्यक्ष असलेले मानसिंग पाचुंदकर हे पत्नीच्या प्रचारात सक्रियपणे सहभागी झाले असून, त्यांच्या मार्गदर्शनामुळे प्रचाराला अधिक बळ मिळत आहे.

शिरूर-आंबेगाव मतदार संघामधील गावांमध्ये मानसिंग पाचुंदकर यांनी आमदार दिलीप वळसे-पाटील यांच्या मार्गदर्शनाखाली विकासाची मोठी कामे केली आहेत. शिवाय, त्यांचा जनसंपर्क मोठा आहे. विकासकामे आणि जनसंपर्कामुळे ज्योती मानसिंग पाचुंदकर यांना नागरिकांचा मोठा प्रतिसाद मिळत आहे. शिवाय, सर्व धर्म समभाव आणि सामाजिक सलोखा जपण्याच्या भूमिकेतून पाचुंदकर कुटुंबीयांच्या वतीने मतदारसंघातील नागरिकांसाठी उज्जैन महाकाल यात्रेचे आयोजन करण्यात आले होते. या उपक्रमातून नागरिकांशी भावनिक नाते अधिक दृढ झाले असून, यात्रेदरम्यान नागरिकांनी ज्योती पाचुंदकर यांना विजयी होण्यासाठी शुभेच्छा व आशिर्वाद दिले आहेत.

ज्योती मानसिंग पाचुंदकर या प्रचारासाठी गावोगावी, वाड्या-वस्त्यांवर आणि घराघरांत जाऊन मतदारांशी थेट संवाद साधत आहेत. यावेळी पाणीपुरवठा, रस्ते, वीज, आरोग्य, शिक्षण, महिला व युवकांचे प्रश्न हे त्यांच्या प्रचाराचे केंद्रबिंदू ठरत आहेत. या सर्व कामांमध्ये पती मानसिंग पाचुंदकर यांचे नियोजन, संपर्क आणि संघटन कौशल्य मोलाचे ठरत आहे.

आमदार दिलीप वळसे पाटील यांचे मार्गदर्शन व पती मानसिंग पाचुंदकर यांची खंबीर साथ मिळत असल्यामुळे भविष्यात जिल्हा परिषद गटात काम करण्याची संधी मिळणार आहे, अशी भावना ज्योती पाचुंदकर यांनी व्यक्त केली.

जिल्हा परिषद अपडेट! ज्योती मानसिंग पाचुंदकर यांची प्रचारात जोरदार आघाडी!

रांजणगाव गणपती ZP गट! खोटं बोलण्यालाही मर्यादा असतात: मानसिंग पाचुंदकर

Video: जि.प. सदस्या स्वातीताई पाचुंदकर यांची मुलाखत…