कारेगाव (तेजस फडके) गावातील पेवर ब्लॉक बसवलेल्या कामाच्या बिलाचा मोबदला म्हणुन दहा हजार रुपये तसेच ग्रामपंचायत हद्दीतील अंगणवाडी बांधकामातील उर्वरित बिलाचे चेक काढण्याचा मोबदला म्हणुन पन्नास हजार रुपये असे एकूण साठ हजार रुपये लाच मागत ती रक्कम पंचासमक्ष स्विकारल्याप्रकरणी एका महिला ग्रामसेविकेवर लाचलुचपत विभागाने कारवाई केली आहे.
शिरुर तालुक्यातील भांबर्डे येथे ग्रामसेवक म्हणुन कार्यरत असणाऱ्या निर्मला कैलास भुजबळ (वय ४४) पंचासमक्ष ६० हजारांची रोख रक्कम स्विकारताना त्यांना रंगेहाथ पकडण्यात आले असुन त्यांच्याविरुद्ध रांजणगांव एमआयडीसी पोलीस स्टेशन येथे भ्रष्टाचार प्रतिबंध अधिनियम कायद्याअन्वये गुन्हा नोंद करण्यात आला आहे.
यातील तक्रारदार यांनी सन २०२०-२०२१ मध्ये ग्रामपंचायत भांबर्डे येथे पेवर ब्लॉक बसवले असुन त्या कामाच्या बिलाचा मोबदला तसेच त्यांनी ग्रामपंचायत हद्दीतील अंगणवाडीचे केलेल्या बांधकामातील उर्वरित बिलाचे चेक काढण्याचा मोबदला म्हणून निर्मला भुजबळ यांनी तक्रारदाराकडे एकुण बिलाच्या सहा टक्के अथवा ६० हजार रुपयाची लाचेची मागणी केल्याची तक्रार तक्रारदार यांनी दि २७ मार्च २०२५ रोजी लाच पुणे येथील लालुचपत प्रतिबंधक विभागाकडे दिली होती.
त्या प्राप्त तक्रारीच्या अनुषंगाने दि १ एप्रिल २०२५ व दि ३ एप्रिल २०२५ तसेच १५ एप्रिल २०२५ रोजी पंचासमक्ष पडताळणी केली असता. लोकसेवक निर्मला भुजबळ यांनी वरील नमुद कामासाठी तक्रारदाराकडे एकुण बिलाच्या सहा टक्के अथवा ६० हजार रुपये लाचेची मागणी केल्याचे निष्पन्न झाले.
दि २८ एप्रिल २०२५ रोजी लाचलुचपत विभागाच्या सापळा कारवाईमध्ये लोकसेवक निर्मला भुजबळ यांनी तक्रारदाराकडुन ग्रामपंचायत भांबर्डे येथे पेवर ब्लॉक बसवलेल्या कामाच्या बिलाचा मोबदला म्हणुन १० हजार रुपये तसेच ग्रामपंचायत हद्दीतील अंगणवाडी बांधकामातील उर्वरित बिलाचे चेक काढण्याचा मोबदला म्हणून ५० हजार रुपये असे एकूण ६० हजार रुपये लाचेची रक्कम भांबर्डे ग्रामपंचायत कार्यालय येथे पंचासमक्ष स्विकारली असता त्यांना रंगेहाथ पकडण्यात आले.
त्यांच्या विरुद्ध रांजणगांव एमआयडीसी पोलीस स्टेशन येथे भ्रष्टाचार प्रतिबंध अधिनियम कायद्याअन्वये गुन्हा नोंद करण्यात आला आहे. सदर कारवाई पोलीस उपआयुक्त तथा पोलीस अधीक्षक शिरीष सरदेशपांडे (लाचलुचपत प्रतिबंधक विभाग) पुणे परिक्षेत्र, पुणे व अप्पर पोलीस अधीक्षक डॉ. शीतल जानवे (लाचलुचपत प्रतिबंधक विभाग) पुणे यांच्या मार्गदर्शनाखाली पुणे लाचलुचपत प्रतिबंधक विभागाने केली आहे.
रांजणगाव MIDC तील विविध कामात माजी महिला सरपंचाच्या पतीची लुडबुड…?
शिरुर; चार वर्षात सरपंच फक्त नामधारी ग्रामपंचायतच्या प्रत्येक निर्णयामध्ये त्या महाशयांचीचं लुडबुड…?
Video; रांजणगाव MIDC तील MEPL च्या प्रश्नावर खासदार डॉ अमोल कोल्हे आक्रमक
शिरुर (तेजस फडके) शिरुर तालुक्याच्या पुर्व भागातील चिंचणी येथील घोड धरणातुन गेल्या चार ते पाच…
पाटबंधारे विभाग म्हणतो महिनाभरापूर्वीच नावासह यादी पोलिसांना दिली; मग शिरुर पोलिसांच्या कारवाईला मुहूर्त कधी...? …
शिरूर : पुणे जिल्हा परिषदेच्या मॉडेल स्कूल, गुणवत्ता विकास कार्यक्रम, विद्यार्थ्यांच्या राष्ट्रीय व आंतरराष्ट्रीय क्षेत्रभेटी…
नागपूर : नागपूर येथे आंदोलनादरम्यान युवक काँग्रेसचे अध्यक्ष शिवराज मोरे यांच्यावर झालेल्या हल्ल्याचे पडसाद उमटले…
मुंबई : महाराष्ट्रातील अभियांत्रिकी आणि पॉलिटेक्निक विद्यार्थ्यांची कौशल्य क्षमता, रोजगारक्षमता आणि उद्योगसज्जता वाढविण्यासाठी उद्योगाभिमुख प्रशिक्षण,…
मुंबई: डॉ. बाबासाहेब आंबेडकर तंत्रशास्त्र विद्यापीठ, लोणेरे (DBATU) अंतर्गत विद्यार्थ्यांच्या तक्रारी आणि शैक्षणिक समस्यांचे जलद,…