शिरूर शहरातून डिझायर कारची चोरी …

शिरुर (अरुणकुमार मोटे): शिरूर शहरातील वाहन चोरीच्या घटनांमध्ये दिवसेंदिवस वाढ होत असून रेव्हेन्यू कॉलनी येथून मारुती कंपनीची डिझायर कार सोमवारी (दि. २०) रात्री चोरीला गेली आहे.

पुण्यातील कात्रज येथील मनिषा धनंजय पवार या नोकरी निमित्त शिरूर मधील रेव्हेन्यू कॉलनी येथे राहत असून सोमवारी रात्री 9 वाजता त्यांची गाडी रोडच्या कडेला लावली होती. त्यांनी मंगळवारी सकाळी 9 वाजता येऊन पाहिले असता रात्री गाडी चोरीला गेल्याचे त्यांच्या लक्षात आले.

अंदाजे 6 लाख रुपये किंमत असलेली मारुती कंपनीची पांढरी रंगाची डिझायर कार नं. MH12 PZ 0423 इंजिन क्रमांक 2126249 MA3 CZF 635HM 242379 हा आहे. मनिषा पवार यांनी याबाबत रोडच्या कडेला लावलेली गाडी अज्ञात चोरट्याने चोरून नेली आहे. तसेच गाडीचे मुळ कागदपत्रे कारमध्ये होते. अशी तक्रार शिरूर पोलिसांत दाखल केली असून पोलीस नाईक मोरे पुढील तपास करत आहेत.

काही दिवसांपासून शिरूर शहरामध्ये कारसह दुचाकी, सोनसाखळी चोरांनी हौदोस घातला असून त्यांना जेरबंद करण्याचे आव्हाण शिरूर पोलिसांपुढे निर्माण झाले आहे.