स्वराज्य बहुजन सेनेकडून भिल्ल व उसतोड कामगारांना दिवाळी

शिक्रापूर (शेरखान शेख): स्वराज्य बहुजन सेना नेहमीच वेगवेगळे उपक्रम राबवीत असताना आता नुकतेच स्वराज्य बहुजन सेनेकडून भिल्ल समाज व उसतोड कामगारांना दिवाळीचे वाटप करत भिल्ल समाज व उसतोड कामगारांची दिवाळी गोड करण्यात आली आहे.

डिंग्रजवाडी ता. शिरुर येथील भिल्ल वस्ती तसेच ऊसतोड कामगारांच्या घरांजवळ जाऊन स्वराज्य बहुजन सेनेच्या वतीने दिवाळी वाटप करण्यात आली. यावेळी स्वराज्य बहुजन सेनेचे अध्यक्ष राजाराम दगडे पाटील, नितीन भवार, विठ्ठल तळोले, स्वाती शिवले, रेखा भंडारे, मेघा गवारे, स्नेहलता दगडे पाटील, अक्षय ठोंबरे यांसह आदी उपस्थित होते.

दरम्यान भिल्ल समाज तसेच ऊसतोड कामगारांसह त्यांच्या कुटुंबियांना ऐन दिवाळी मध्ये गोड मिठाई मिळाल्याने अनेकांच्या चेहऱ्यावर आनंद दिसून येत होता, तर याबाबत बोलताना सदर भिल्ल समाजातील नागरिकांसह ऊस तोड कामगारांच्या मुलांच्या चेहऱ्यावर दिसणाऱ्या आनंदातून समाधान मिळाले असून पुढील काळात सदर समाजासाठी मोठ्या प्रमाणात आदी उपक्रम राबवणार असल्याचे स्वराज्य बहुजन सेनेचे अध्यक्ष राजाराम दगडे पाटील यांनी सांगितले.