सेवानिवृत्तीच्या अखेरच्या दिवशी सत्काराला फाटा देत विशेष मुलांच्या संस्थेला मदत

शिरूर (अरुणकुमार मोटे): तब्बल ३५ वर्षे शासकीय सेवा बजावल्यानंतर शिरूर पंचायत समितीच्या विस्तार अधिकाऱ्यांनी सेवानिवृत्त होताना सामाजिक भान ठेवून सत्काराला फाटा विशेष मुलांच्या संस्थेला मदत करण्यात आली आहे.

शिरूर पंचायत समिती येथे कृषी विस्तार अधिकारी म्हणून संभाजी बाबुराव कोळपे हे नियुक्तीस होते. शिरूर पंचायत समिती येथे नियुक्तीस असताना अनेकांच्या समस्या सोडवण्यास त्यांनी प्राधान्य दिले.शिरूर तालुक्यात सेवा बजावल्यानंतर सेवा समाप्ती च्या अखेरच्या दिवशी शिरूर शहरात विशेष मुलांसाठी कार्यरत असणाऱ्या आकांक्षा एज्युकेशनल फाऊंडेशन या संस्थेस त्यांनी भेट देत मिळालेल्या मानधनाच्या रक्कमेचा धनादेश त्यांनी संस्थेच्या प्रमुख रानिताई चोरे यांच्याकडे सुपूर्द केला. तसेच या पुढील काळात ही मदत करणार असल्याचे सांगितले. यावेळी शिरूर पंचायत समितीचे विस्तार अधिकारी संजय शिंदे, शिरूर ग्रामीण चे ग्रामविकास अधिकारी पी. सी.केदारी हे उपस्थित होते.