Shirur Police Station
शिरुर तालुक्यातील करडे घाटातील हॉटेल मधील घटना
शिक्रापूर (शेरखान शेख): करडे घाट (ता. शिरुर) येथील एका हॉटेल मध्ये युवकांनी केलेल्या जेवणाचे बिल मागितल्याच्या कारणातून एका महिलेसह ७ जणांच्या टोळक्याने हॉटेल मालकासह कामगारांना बेदम मारहाण केल्याची घटना घडली असल्याने शिरुर पोलीस स्टेशन येथे वागताराम चौधरी, आकाश गायकवाड, संतोष गायकवाड, प्रशांत युवराज गायकवाड, शिवाजी श्रीराम, आकाश भोरडे, संगीता युवराज गायकवाड यांच्या विरुद्ध गुन्हे दाखल करण्यात आले आहे.
करडे घाट (ता. शिरुर) येथे दोलाराम चौधरी यांचे राजस्थान ढाबा नावाने हॉटेल आहे, सहा जुलै रोजी काही युवक सदर हॉटेल मध्ये जेवण करण्यासाठी आले होते. जेवण झाल्यानंतर हॉटेल मालक चौधरी यांनी सदर युवकांना जेवणाचे बिल मागितले. त्यामुळे सदर युवकांनी हॉटेल मालक व कामगारांना बरोबर वाद घातला होता. त्यानंतर पहाटेच्या सुमारास एम एच २० ई वाय ०३४० या कार सह २ दुचाकींवर काही युवक आले. त्यांनी हॉटेल मालकाला शिवीगाळ, दमदाटी करत आमच्याकडे जेवणाचे पैसे मागतो काय असे म्हणून शिवीगाळ, दमदाटी करत मारहाण करुन जीवे मारण्याची धमकी दिली.
याबाबत दोलाराम भियाराम चौधरी (वय ३१) रा. करडे घाट (ता. शिरुर) जि. पुणे यांनी शिरुर पोलीस स्टेशन येथे फिर्याद दिली असल्याने शिरुर पोलिसांनी वागताराम चौधरी, आकाश गायकवाड, संतोष गायकवाड, प्रशांत युवराज गायकवाड, शिवाजी श्रीराम, आकाश भोरडे, संगीता युवराज गायकवाड (पूर्ण नाव पत्ते माहित नाही) यांच्या विरुद्ध गुन्हे दाखल केले असून सदर गुन्ह्याचा पुढील तपास पोलीस निरीक्षक सुरेशकुमार राऊत यांच्या मार्गदर्शनाखाली शिरुर पोलीस हे करत आहे.
न्हावरे (अक्षय टेमगिरे) शिरुर तालुक्यातील आंबळे येथे विवाहित महिलेचा शारीरिक व मानसिक छळ केल्याप्रकरणी पतीसह…
शिरूर (तेजस फडके) : शिरुर तालुक्यात अवैध धंद्यांविरोधात पोलिसांनी दोन स्वतंत्र कारवाया करत गावठी हातभट्टीची…
११५ कोटींच्या मालमत्ता जप्तीला शासनाची मंजुरी; ९८ जणांवर गुन्हे, हजारो गुंतवणूकदारांचे पैसे परत मिळण्याची प्रतीक्षा…
न्हावरे (अक्षय टेमगिरे) शिरुर तालुक्यात अवैध दारु विक्रीला आळा घालण्यासाठी शिरुर पोलिसांनी दोन वेगवेगळ्या ठिकाणी…
शिरुर (तेजस फडके) शिरुर तालुक्यात जागेच्या वादातून तसेच शेळ्या-मेंढ्या चारण्याच्या कारणावरुन मारहाणीच्या दोन स्वतंत्र घटना…
शिरुर (तेजस फडके) शिरुर पोलीस स्टेशनच्या हद्दीत वीजमीटरमध्ये छेडछाड करुन वीजचोरी केल्याप्रकरणी दोन स्वतंत्र गुन्हे…